| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
১০. পদুট্ঠচিত্তসুত্তং
10. Paduṭṭhacittasuttaṃ
২০. ৰুত্তঞ্হেতং ভগৰতা, ৰুত্তমরহতাতি মে সুতং –
20. Vuttañhetaṃ bhagavatā, vuttamarahatāti me sutaṃ –
‘‘ইধাহং, ভিক্খৰে, একচ্চং পুগ্গলং পদুট্ঠচিত্তং এৰং চেতসা চেতো পরিচ্চ পজানামি – ‘ইমম্হি চাযং সমযে পুগ্গলো কালঙ্করেয্য যথাভতং নিক্খিত্তো এৰং নিরযে’। তং কিস্স হেতু? চিত্তং হিস্স, ভিক্খৰে, পদুট্ঠং। চেতোপদোসহেতু খো পন, ভিক্খৰে, এৰমিধেকচ্চে সত্তা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জন্তী’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Idhāhaṃ, bhikkhave, ekaccaṃ puggalaṃ paduṭṭhacittaṃ evaṃ cetasā ceto paricca pajānāmi – ‘imamhi cāyaṃ samaye puggalo kālaṅkareyya yathābhataṃ nikkhitto evaṃ niraye’. Taṃ kissa hetu? Cittaṃ hissa, bhikkhave, paduṭṭhaṃ. Cetopadosahetu kho pana, bhikkhave, evamidhekacce sattā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantī’’ti. Etamatthaṃ bhagavā avoca. Tatthetaṃ iti vuccati –
‘‘পদুট্ঠচিত্তং ঞত্ৰান, একচ্চং ইধ পুগ্গলং।
‘‘Paduṭṭhacittaṃ ñatvāna, ekaccaṃ idha puggalaṃ;
এতমত্থঞ্চ ব্যাকাসি, বুদ্ধো ভিক্খূন সন্তিকে॥
Etamatthañca byākāsi, buddho bhikkhūna santike.
‘‘ইমম্হি চাযং সমযে, কালং কযিরাথ পুগ্গলো।
‘‘Imamhi cāyaṃ samaye, kālaṃ kayirātha puggalo;
নিরযং উপপজ্জেয্য, চিত্তং হিস্স পদূসিতং॥
Nirayaṃ upapajjeyya, cittaṃ hissa padūsitaṃ.
‘‘যথা হরিত্ৰা নিক্খিপেয্য, এৰমেৰ তথাৰিধো।
‘‘Yathā haritvā nikkhipeyya, evameva tathāvidho;
চেতোপদোসহেতু হি, সত্তা গচ্ছন্তি দুগ্গতি’’ন্তি॥
Cetopadosahetu hi, sattā gacchanti duggati’’nti.
অযম্পি অত্থো ৰুত্তো ভগৰতা, ইতি মে সুতন্তি। দসমং।
Ayampi attho vutto bhagavatā, iti me sutanti. Dasamaṃ.
দুতিযো ৰগ্গো নিট্ঠিতো।
Dutiyo vaggo niṭṭhito.
তস্সুদ্দানং –
Tassuddānaṃ –
মোহো কোধো অথ মক্খো, ৰিজ্জা তণ্হা সেখদুৰে চ।
Moho kodho atha makkho, vijjā taṇhā sekhaduve ca;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ১০. পদুট্ঠচিত্তসুত্তৰণ্ণনা • 10. Paduṭṭhacittasuttavaṇṇanā
