| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පදුමපුප්ඵියත්ථෙරඅපදානං
10. Padumapupphiyattheraapadānaṃ
51.
51.
‘‘පොක්ඛරවනං පවිට්ඨො, භඤ්ජන්තො පදුමානිහං;
‘‘Pokkharavanaṃ paviṭṭho, bhañjanto padumānihaṃ;
තත්ථද්දසං ඵුස්සං බුද්ධං 1, බාත්තිංසවරලක්ඛණං.
Tatthaddasaṃ phussaṃ buddhaṃ 2, bāttiṃsavaralakkhaṇaṃ.
52.
52.
‘‘පදුමපුප්ඵං ගහෙත්වාන, ආකාසෙ උක්ඛිපිං අහං;
‘‘Padumapupphaṃ gahetvāna, ākāse ukkhipiṃ ahaṃ;
පාපකම්මං සරිත්වාන, පබ්බජිං අනගාරියං.
Pāpakammaṃ saritvāna, pabbajiṃ anagāriyaṃ.
53.
53.
‘‘පබ්බජිත්වාන කායෙන, මනසා සංවුතෙන ච;
‘‘Pabbajitvāna kāyena, manasā saṃvutena ca;
වචීදුච්චරිතං හිත්වා, ආජීවං පරිසොධයිං.
Vacīduccaritaṃ hitvā, ājīvaṃ parisodhayiṃ.
54.
54.
‘‘ද්වෙනවුතෙ ඉතො කප්පෙ, යං පුප්ඵමභිරොපයිං;
‘‘Dvenavute ito kappe, yaṃ pupphamabhiropayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
55.
55.
‘‘පදුමාභාසනාමා ච, අට්ඨාරස මහීපතී;
‘‘Padumābhāsanāmā ca, aṭṭhārasa mahīpatī;
අට්ඨාරසෙසු කප්පෙසු, අට්ඨතාලීසමාසිසුං.
Aṭṭhārasesu kappesu, aṭṭhatālīsamāsisuṃ.
56.
56.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා පදුමපුප්ඵියො ථෙරො ඉමා ගාථායො අභාසිත්ථාති;
Itthaṃ sudaṃ āyasmā padumapupphiyo thero imā gāthāyo abhāsitthāti;
පදුමපුප්ඵියත්ථෙරස්සාපදානං දසමං.
Padumapupphiyattherassāpadānaṃ dasamaṃ.
තිමිරවග්ගො නවමො.
Timiravaggo navamo.
තස්සුද්දානං –
Tassuddānaṃ –
තිමිරනඞ්ගලීපුප්ඵ, නිප්පන්නඤ්ජලිකො අධො;
Timiranaṅgalīpuppha, nippannañjaliko adho;
ද්වෙ රංසිසඤ්ඤී ඵලදො, සද්දසඤ්ඤී ච සෙචකො;
Dve raṃsisaññī phalado, saddasaññī ca secako;
පද්මපුප්ඵී ච ගාථායො, ඡප්පඤ්ඤාස පකිත්තිතා.
Padmapupphī ca gāthāyo, chappaññāsa pakittitā.
Footnotes:
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 10. පදුමපුප්ඵියත්ථෙරඅපදානවණ්ණනා • 10. Padumapupphiyattheraapadānavaṇṇanā
