| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปทุมปุปฺผิยเตฺถรอปทานํ
10. Padumapupphiyattheraapadānaṃ
๕๑.
51.
‘‘โปกฺขรวนํ ปวิโฎฺฐ, ภญฺชโนฺต ปทุมานิหํ;
‘‘Pokkharavanaṃ paviṭṭho, bhañjanto padumānihaṃ;
๕๒.
52.
‘‘ปทุมปุปฺผํ คเหตฺวาน, อากาเส อุกฺขิปิํ อหํ;
‘‘Padumapupphaṃ gahetvāna, ākāse ukkhipiṃ ahaṃ;
ปาปกมฺมํ สริตฺวาน, ปพฺพชิํ อนคาริยํฯ
Pāpakammaṃ saritvāna, pabbajiṃ anagāriyaṃ.
๕๓.
53.
‘‘ปพฺพชิตฺวาน กาเยน, มนสา สํวุเตน จ;
‘‘Pabbajitvāna kāyena, manasā saṃvutena ca;
วจีทุจฺจริตํ หิตฺวา, อาชีวํ ปริโสธยิํฯ
Vacīduccaritaṃ hitvā, ājīvaṃ parisodhayiṃ.
๕๔.
54.
‘‘เทฺวนวุเต อิโต กเปฺป, ยํ ปุปฺผมภิโรปยิํ;
‘‘Dvenavute ito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๕๕.
55.
‘‘ปทุมาภาสนามา จ, อฎฺฐารส มหีปตี;
‘‘Padumābhāsanāmā ca, aṭṭhārasa mahīpatī;
อฎฺฐารเสสุ กเปฺปสุ, อฎฺฐตาลีสมาสิสุํฯ
Aṭṭhārasesu kappesu, aṭṭhatālīsamāsisuṃ.
๕๖.
56.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปทุมปุปฺผิโย เถโร อิมา คาถาโย อภาสิตฺถาติ;
Itthaṃ sudaṃ āyasmā padumapupphiyo thero imā gāthāyo abhāsitthāti;
ปทุมปุปฺผิยเตฺถรสฺสาปทานํ ทสมํฯ
Padumapupphiyattherassāpadānaṃ dasamaṃ.
ติมิรวโคฺค นวโมฯ
Timiravaggo navamo.
ตสฺสุทฺทานํ –
Tassuddānaṃ –
ติมิรนงฺคลีปุปฺผ, นิปฺปนฺนญฺชลิโก อโธ;
Timiranaṅgalīpuppha, nippannañjaliko adho;
เทฺว รํสิสญฺญี ผลโท, สทฺทสญฺญี จ เสจโก;
Dve raṃsisaññī phalado, saddasaññī ca secako;
ปทฺมปุปฺผี จ คาถาโย, ฉปฺปญฺญาส ปกิตฺติตาฯ
Padmapupphī ca gāthāyo, chappaññāsa pakittitā.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑๐. ปทุมปุปฺผิยเตฺถรอปทานวณฺณนา • 10. Padumapupphiyattheraapadānavaṇṇanā
