| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. पदुमपूजकत्थेरअपदानं
7. Padumapūjakattheraapadānaṃ
४४.
44.
‘‘हिमवन्तस्साविदूरे , रोमसो नाम पब्बतो।
‘‘Himavantassāvidūre , romaso nāma pabbato;
बुद्धोपि सम्भवो नाम, अब्भोकासे वसी तदा॥
Buddhopi sambhavo nāma, abbhokāse vasī tadā.
४५.
45.
‘‘भवना निक्खमित्वान, पदुमं धारयिं अहं।
‘‘Bhavanā nikkhamitvāna, padumaṃ dhārayiṃ ahaṃ;
एकाहं धारयित्वान, पुन भवनुपागमिं॥
Ekāhaṃ dhārayitvāna, puna bhavanupāgamiṃ.
४६.
46.
‘‘एकनवुतितो कप्पे, यं पुप्फमभिरोपयिं।
‘‘Ekanavutito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
४७.
47.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पदुमपूजको थेरो इमा गाथायो अभासित्थाति।
Itthaṃ sudaṃ āyasmā padumapūjako thero imā gāthāyo abhāsitthāti.
पदुमपूजकत्थेरस्सापदानं सत्तमं।
Padumapūjakattherassāpadānaṃ sattamaṃ.
तेरसमं भाणवारं।
Terasamaṃ bhāṇavāraṃ.
