| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปทุมธาริกเตฺถรอปทานํ
10. Padumadhārikattheraapadānaṃ
๗๘.
78.
‘‘หิมวนฺตสฺสาวิทูเร , โรมโส นาม ปพฺพโต;
‘‘Himavantassāvidūre , romaso nāma pabbato;
พุโทฺธปิ สมฺภโว นาม, อโพฺภกาเส วสี ตทาฯ
Buddhopi sambhavo nāma, abbhokāse vasī tadā.
๗๙.
79.
‘‘ภวนา นิกฺขมิตฺวาน, ปทุมํ ธารยิํ อหํ;
‘‘Bhavanā nikkhamitvāna, padumaṃ dhārayiṃ ahaṃ;
เอกาหํ ธารยิตฺวาน, ภวนํ ปุนราคมิํฯ
Ekāhaṃ dhārayitvāna, bhavanaṃ punarāgamiṃ.
๘๐.
80.
‘‘เอกติํเส อิโต กเปฺป, ยํ พุทฺธมภิปูชยิํ;
‘‘Ekatiṃse ito kappe, yaṃ buddhamabhipūjayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๘๑.
81.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๘๒.
82.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๘๓.
83.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปทุมธาริโก เถโร อิมา คาถาโย
Itthaṃ sudaṃ āyasmā padumadhāriko thero imā gāthāyo
อภาสิตฺถาติฯ
Abhāsitthāti.
ปทุมธาริกเตฺถรสฺสาปทานํ ทสมํฯ
Padumadhārikattherassāpadānaṃ dasamaṃ.
ผลทายกวโคฺค เทฺวปญฺญาสโมฯ
Phaladāyakavaggo dvepaññāsamo.
ตสฺสุทฺทานํ –
Tassuddānaṃ –
กุรญฺจิยํ กปิตฺถญฺจ, โกสมฺพมถ เกตกํ;
Kurañciyaṃ kapitthañca, kosambamatha ketakaṃ;
นาคปุปฺผชฺชุนเญฺจว, กุฎชี โฆสสญฺญโกฯ
Nāgapupphajjunañceva, kuṭajī ghosasaññako.
เถโร จ สพฺพผลโท, ตถา ปทุมธาริโก;
Thero ca sabbaphalado, tathā padumadhāriko;
อสีติ เจตฺถ คาถาโย, ติโสฺส คาถา ตทุตฺตริฯ
Asīti cettha gāthāyo, tisso gāthā taduttari.
