| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৬. পদুমচ্ছদনিযত্থেরঅপদানং
6. Padumacchadaniyattheraapadānaṃ
৮৩.
83.
‘‘নিব্বুতে লোকনাথম্হি, ৰিপস্সিম্হগ্গপুগ্গলে।
‘‘Nibbute lokanāthamhi, vipassimhaggapuggale;
সুফুল্লপদুমং গয্হ, চিতমারোপযিং অহং॥
Suphullapadumaṃ gayha, citamāropayiṃ ahaṃ.
৮৪.
84.
‘‘আরোপিতে চ চিতকে, ৰেহাসং নভমুগ্গমি।
‘‘Āropite ca citake, vehāsaṃ nabhamuggami;
৮৫.
85.
‘‘একনৰুতিতো কপ্পে, যং পুপ্ফমভিরোপযিং।
‘‘Ekanavutito kappe, yaṃ pupphamabhiropayiṃ;
দুগ্গতিং নাভিজানামি, বুদ্ধপূজাযিদং ফলং॥
Duggatiṃ nābhijānāmi, buddhapūjāyidaṃ phalaṃ.
৮৬.
86.
‘‘সত্ততালীসিতো কপ্পে, পদুমিস্সরনামকো।
‘‘Sattatālīsito kappe, padumissaranāmako;
চাতুরন্তো ৰিজিতাৰী, চক্কৰত্তী মহব্বলো॥
Cāturanto vijitāvī, cakkavattī mahabbalo.
৮৭.
87.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পদুমচ্ছদনিযো থেরো ইমা গাথাযো অভাসিত্থাতি।
Itthaṃ sudaṃ āyasmā padumacchadaniyo thero imā gāthāyo abhāsitthāti;
পদুমচ্ছদনিযত্থেরস্সাপদানং ছট্ঠং।
Padumacchadaniyattherassāpadānaṃ chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৬. পদুমচ্ছদনিযত্থেরঅপদানৰণ্ণনা • 6. Padumacchadaniyattheraapadānavaṇṇanā
