| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
7. баад̣̇угаваг̇г̇о
7. Pādukavaggo
1241. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо уд̣̇агз ужжаарамби бассаавамби кзл̣амби гаронд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо уд̣̇агз ужжаарамби бассаавамби кзл̣амби гариссанд̇и, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа, д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо уд̣̇агз ужжаарамби бассаавамби кзл̣амби гариссанд̇ий’’д̇и! ат̇а ко бхигкунияо бхигкуунам̣ зд̇амад̇т̇ам̣ аарожзсум̣. бхигкуу 1 бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа…бз… бхигкуу бадибужчи – ‘‘сажжам̣ гира, бхигкавз, чаб̣б̣аг̇г̇ияаа бхигкунияо уд̣̇агз ужжаарамби бассаавамби кзл̣амби гаронд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо уд̣̇агз ужжаарамби бассаавамби кзл̣амби гариссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1241. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo udake uccārampi passāvampi kheḷampi karonti. Manussā ujjhāyanti khiyyanti vipācenti – ‘‘kathañhi nāma bhikkhuniyo udake uccārampi passāvampi kheḷampi karissanti, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā, tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo udake uccārampi passāvampi kheḷampi karissantī’’ti! Atha kho bhikkhuniyo bhikkhūnaṃ etamatthaṃ ārocesuṃ. Bhikkhū 2 bhagavato etamatthaṃ ārocesuṃ. Atha kho bhagavā…pe… bhikkhū paṭipucchi – ‘‘saccaṃ kira, bhikkhave, chabbaggiyā bhikkhuniyo udake uccārampi passāvampi kheḷampi karontī’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo udake uccārampi passāvampi kheḷampi karissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
‘‘на уд̣̇агз ужжаарам̣ ваа бассаавам̣ ваа кзл̣ам̣ ваа гариссаамийд̇и сигкаа гаран̣ийяаа’’д̇и .
‘‘Na udake uccāraṃ vā passāvaṃ vā kheḷaṃ vā karissāmīti sikkhā karaṇīyā’’ti .
зван̃жид̣̇ам̣ бхаг̇авад̇аа бхигкунийнам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhunīnaṃ sikkhāpadaṃ paññattaṃ hoti.
д̇зна ко бана самаязна г̇илаанаа бхигкунияо уд̣̇агз ужжаарамби бассаавамби кзл̣амби гаад̇ум̣ гуггужжааяанд̇и. бхаг̇авад̇о зд̇амад̇т̇ам̣ аарожзсум̣…бз… ануж̇аанаами, бхигкавз, г̇илаанааяа бхигкунияаа уд̣̇агз ужжаарамби бассаавамби кзл̣амби гаад̇ум̣. зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
Tena kho pana samayena gilānā bhikkhuniyo udake uccārampi passāvampi kheḷampi kātuṃ kukkuccāyanti. Bhagavato etamatthaṃ ārocesuṃ…pe… anujānāmi, bhikkhave, gilānāya bhikkhuniyā udake uccārampi passāvampi kheḷampi kātuṃ. Evañca pana, bhikkhave, bhikkhuniyo imaṃ sikkhāpadaṃ uddisantu –
‘‘на уд̣̇агз аг̇илаанаа ужжаарам̣ ваа бассаавам̣ ваа кзл̣ам̣ ваа гариссаамийд̇и сигкаа гаран̣ийяаа’’д̇и.
‘‘Na udake agilānā uccāraṃ vā passāvaṃ vā kheḷaṃ vā karissāmīti sikkhā karaṇīyā’’ti.
на уд̣̇агз аг̇илаанааяа ужжааро ваа бассааво ваа кзл̣о ваа гаад̇аб̣б̣о. яаа анаад̣̇арияам̣ бадижжа уд̣̇агз аг̇илаанаа ужжаарам̣ ваа бассаавам̣ ваа кзл̣ам̣ ваа гарод̇и, аабад̇д̇и д̣̇уггадасса.
Na udake agilānāya uccāro vā passāvo vā kheḷo vā kātabbo. Yā anādariyaṃ paṭicca udake agilānā uccāraṃ vā passāvaṃ vā kheḷaṃ vā karoti, āpatti dukkaṭassa.
анаабад̇д̇и асан̃жижжа, ассад̇ияаа, аж̇аананд̇ияаа, г̇илаанааяа, т̇алз гад̇о уд̣̇агам̣ од̇т̇арад̇и, аабад̣̇аасу, уммад̇д̇игааяа, кид̇д̇ажид̇д̇ааяа, взд̣̇анааддааяа, аад̣̇игаммигааяаад̇и.
Anāpatti asañcicca, assatiyā, ajānantiyā, gilānāya, thale kato udakaṃ ottharati, āpadāsu, ummattikāya, khittacittāya, vedanāṭṭāya, ādikammikāyāti.
баннарасамасигкаабад̣̇ам̣ нидтид̇ам̣.
Pannarasamasikkhāpadaṃ niṭṭhitaṃ.
баад̣̇угаваг̇г̇о сад̇д̇амо.
Pādukavaggo sattamo.
уд̣̇д̣̇идтаа ко, аяяааяо, сзкияаа д̇хаммаа. д̇ад̇т̇ааяяааяо бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.
Uddiṭṭhā kho, ayyāyo, sekhiyā dhammā. Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
сзкияаган̣д̣ам̣ нидтид̇ам̣.
Sekhiyakaṇḍaṃ niṭṭhitaṃ.
Footnotes:
