| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
৭. পাদুকৰগ্গৰণ্ণনা
7. Pādukavaggavaṇṇanā
৬৪৭. সত্তমৰগ্গে রুক্খতো পতিতোতি একং ওলম্বনসাখং গহেত্ৰা পতিতো। পাল়িযাতি অত্তনো আচারপ্পকাসকগন্থস্স। ধীরত্থূতি ধী অত্থু, নিন্দা হোতূতি অত্থো। ৰিনিপাতনহেতুনাতি ৰিনিপাতনস্স হেতুভাৰেন। ত্ৰন্তি উপযোগত্থে পচ্চত্তৰচনং, তং ইচ্চেৰ ৰা পাঠো। অস্মাতি পাসাণো।
647. Sattamavagge rukkhato patitoti ekaṃ olambanasākhaṃ gahetvā patito. Pāḷiyāti attano ācārappakāsakaganthassa. Dhīratthūti dhī atthu, nindā hotūti attho. Vinipātanahetunāti vinipātanassa hetubhāvena. Tvanti upayogatthe paccattavacanaṃ, taṃ icceva vā pāṭho. Asmāti pāsāṇo.
৬৪৯. ন কথেতব্বন্তি থেরেন অত্তনো কঙ্খাট্ঠানস্স পুচ্ছিতত্তা ৰুত্তং। দহরস্স অত্থকোসল্লং ঞাতুং পুচ্ছিতেন উচ্চাসনে নিসিন্নস্স আচরিযস্স অনুযোগদাননযেন ৰত্তুং ৰট্টতি।
649.Na kathetabbanti therena attano kaṅkhāṭṭhānassa pucchitattā vuttaṃ. Daharassa atthakosallaṃ ñātuṃ pucchitena uccāsane nisinnassa ācariyassa anuyogadānanayena vattuṃ vaṭṭati.
৬৫২. খেল়েন চেত্থ সিঙ্ঘাণিকাপি সঙ্গহিতাতি এত্থ উদকগণ্ডুসকং কত্ৰা উচ্ছুকচৰরাদিঞ্চ মুখেনেৰ হরিতুং উদকেসু ছড্ডেতুং ৰট্টতীতি দট্ঠব্বং। সেসং সব্বত্থ উত্তানমেৰ।
652.Kheḷena cettha siṅghāṇikāpi saṅgahitāti ettha udakagaṇḍusakaṃ katvā ucchukacavarādiñca mukheneva harituṃ udakesu chaḍḍetuṃ vaṭṭatīti daṭṭhabbaṃ. Sesaṃ sabbattha uttānameva.
পাদুকৰগ্গৰণ্ণনা নিট্ঠিতা।
Pādukavaggavaṇṇanā niṭṭhitā.
সেখিযৰণ্ণনানযো নিট্ঠিতো।
Sekhiyavaṇṇanānayo niṭṭhito.
৬৫৫. অধিকরণসমথেসু চ ইধ ৰত্তব্বং নত্থি।
655. Adhikaraṇasamathesu ca idha vattabbaṃ natthi.
ইতি সমন্তপাসাদিকায ৰিনযট্ঠকথায ৰিমতিৰিনোদনিযং
Iti samantapāsādikāya vinayaṭṭhakathāya vimativinodaniyaṃ
ভিক্খুৰিভঙ্গৰণ্ণনানযো নিট্ঠিতো।
Bhikkhuvibhaṅgavaṇṇanānayo niṭṭhito.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga
৭. পাদুকৰগ্গো • 7. Pādukavaggo
৮. অধিকরণসমথা • 8. Adhikaraṇasamathā
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā
৭. পাদুকৰগ্গৰণ্ণনা • 7. Pādukavaggavaṇṇanā
৮. সত্তাধিকরণসমথা • 8. Sattādhikaraṇasamathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৭. পাদুকৰগ্গৰণ্ণনা • 7. Pādukavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৭. পাদুকৰগ্গৰণ্ণনা • 7. Pādukavaggavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
৭. পাদুকৰগ্গ-অত্থযোজনা • 7. Pādukavagga-atthayojanā
৮. সত্তাধিকরণসমথ-অত্থযোজনা • 8. Sattādhikaraṇasamatha-atthayojanā
