| Library / Tipiṭaka / တိပိဋက • Tipiṭaka / အပဒာနပာဠိ • Apadānapāḷi |
၄. ပဒီပဒာယကတ္ထေရအပဒာနံ
4. Padīpadāyakattheraapadānaṃ
၁၄.
14.
‘‘ဒေဝဘူတော အဟံ သန္တော၊ ဩရုယ္ဟ ပထဝိံ တဒာ။
‘‘Devabhūto ahaṃ santo, oruyha pathaviṃ tadā;
ပဒီပေ ပဉ္စ ပာဒာသိံ၊ ပသန္နော သေဟိ ပာဏိဘိ။
Padīpe pañca pādāsiṃ, pasanno sehi pāṇibhi.
၁၅.
15.
‘‘စတုန္နဝုတိတော ကပ္ပေ၊ ယံ ပဒီပမဒံ တဒာ။
‘‘Catunnavutito kappe, yaṃ padīpamadaṃ tadā;
ဒုဂ္ဂတိံ နာဘိဇာနာမိ၊ ဒီပဒာနသ္သိဒံ ဖလံ။
Duggatiṃ nābhijānāmi, dīpadānassidaṃ phalaṃ.
၁၆.
16.
‘‘ပဉ္စပညာသကေ ကပ္ပေ၊ ဧကော အာသိံ မဟီပတိ။
‘‘Pañcapaññāsake kappe, eko āsiṃ mahīpati;
သမန္တစက္ခုနာမေန၊ စက္ကဝတ္တီ မဟဗ္ဗလော။
Samantacakkhunāmena, cakkavattī mahabbalo.
၁၇.
17.
‘‘ပဋိသမ္ဘိဒာ စတသ္သော။ပေ.။ ကတံ ဗုဒ္ဓသ္သ သာသနံ’’။
‘‘Paṭisambhidā catasso…pe… kataṃ buddhassa sāsanaṃ’’.
ဣတ္ထံ သုဒံ အာယသ္မာ ပဒီပဒာယကော 1 ထေရော ဣမာ ဂာထာယော အဘာသိတ္ထာတိ။
Itthaṃ sudaṃ āyasmā padīpadāyako 2 thero imā gāthāyo abhāsitthāti.
ပဒီပဒာယကတ္ထေရသ္သာပဒာနံ စတုတ္ထံ။
Padīpadāyakattherassāpadānaṃ catutthaṃ.
Footnotes:
