| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༢. པདྷཱནསུཏྟཾ
2. Padhānasuttaṃ
༢. ‘‘དྭེམཱནི, བྷིཀྑཝེ, པདྷཱནཱནི དུརབྷིསམྦྷཝཱནི ལོཀསྨིཾ། ཀཏམཱནི དྭེ? ཡཉྩ གིཧཱིནཾ ཨགཱརཾ ཨཛ྄ཛྷཱཝསཏཾ ཙཱིཝརཔིཎྜཔཱཏསེནཱསནགིལཱནཔཙྩཡབྷེསཛྫཔརིཀྑཱརཱནུཔྤདཱནཏྠཾ པདྷཱནཾ, ཡཉྩ ཨགཱརསྨཱ ཨནགཱརིཡཾ པབྦཛིཏཱནཾ སབྦཱུཔདྷིཔཊིནིསྶགྒཏྠཾ པདྷཱནཾ། ཨིམཱནི ཁོ, བྷིཀྑཝེ, དྭེ པདྷཱནཱནི དུརབྷིསམྦྷཝཱནི ལོཀསྨིཾ།
2. ‘‘Dvemāni, bhikkhave, padhānāni durabhisambhavāni lokasmiṃ. Katamāni dve? Yañca gihīnaṃ agāraṃ ajjhāvasataṃ cīvarapiṇḍapātasenāsanagilānapaccayabhesajjaparikkhārānuppadānatthaṃ padhānaṃ, yañca agārasmā anagāriyaṃ pabbajitānaṃ sabbūpadhipaṭinissaggatthaṃ padhānaṃ. Imāni kho, bhikkhave, dve padhānāni durabhisambhavāni lokasmiṃ.
‘‘ཨེཏདགྒཾ, བྷིཀྑཝེ, ཨིམེསཾ དྭིནྣཾ པདྷཱནཱནཾ ཡདིདཾ སབྦཱུཔདྷིཔཊིནིསྶགྒཏྠཾ པདྷཱནཾ། ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘སབྦཱུཔདྷིཔཊིནིསྶགྒཏྠཾ པདྷཱནཾ པདཧིསྶཱམཱ’ཏི། ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི། དུཏིཡཾ།
‘‘Etadaggaṃ, bhikkhave, imesaṃ dvinnaṃ padhānānaṃ yadidaṃ sabbūpadhipaṭinissaggatthaṃ padhānaṃ. Tasmātiha, bhikkhave, evaṃ sikkhitabbaṃ – ‘sabbūpadhipaṭinissaggatthaṃ padhānaṃ padahissāmā’ti. Evañhi vo, bhikkhave, sikkhitabba’’nti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. པདྷཱནསུཏྟཝཎྞནཱ • 2. Padhānasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༢. པདྷཱནསུཏྟཝཎྞནཱ • 2. Padhānasuttavaṇṇanā
