| Library / Tipiṭaka / ತಿಪಿಟಕ • Tipiṭaka / ನೇತ್ತಿಪ್ಪಕರಣ-ಟೀಕಾ • Nettippakaraṇa-ṭīkā |
೪. ಪದಟ್ಠಾನಹಾರಸಮ್ಪಾತಾದಿವಣ್ಣನಾ
4. Padaṭṭhānahārasampātādivaṇṇanā
೬೬. ಯಸ್ಮಾ ವಾ ಸಂಕಿಲೇಸತೋ ರಕ್ಖಿತಚಿತ್ತಸ್ಸ ತೀಣಿ ಸುಚರಿತಾನಿ ಪಾರಿಪೂರಿಂ ಗಚ್ಛನ್ತಿ, ತಸ್ಮಾ ರಕ್ಖಿತಚಿತ್ತಸ್ಸಾತಿ ಏತ್ಥ ಯಾಯಂ ರಕ್ಖಿತಚಿತ್ತತಾ, ಸಾ ಕಾಯಸುಚರಿತಾದೀನಂ ತಿಣ್ಣಂ ಸುಚರಿತಾನಂ ಪದಟ್ಠಾನನ್ತಿ ಏವಮೇತ್ಥ ಅತ್ಥೋ ವೇದಿತಬ್ಬೋ। ಅತ್ತಾಧೀನನ್ತಿ ಅತ್ತಪರಾಧೀನಂ।
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
ತತೋ ಏವಾತಿ ಕಾರಣಗ್ಗಹಣೇನ ಫಲಸ್ಸ ಗಹಿತತ್ತಾ ಏವ।
Tato evāti kāraṇaggahaṇena phalassa gahitattā eva.
೬೮. ತತ್ಥ ಇತಿಸದ್ದೋತಿ ‘‘ಪರಿಪಾಲೀಯತೀ’’ತಿ ಇತಿಸದ್ದೋ।
68.Tatthaitisaddoti ‘‘paripālīyatī’’ti itisaddo.
೭೩-೪. ಪಾಳಿಯಂ ಪಞ್ಚಿನ್ದ್ರಿಯಾನಿ ತೀಹಿ ಖನ್ಧೇಹಿ ಸಙ್ಗಹಿತಾನೀತಿ ಏತ್ಥ ಸದ್ಧಾವೀರಿಯಸತಿನ್ದ್ರಿಯೇಹಿ ಪಾತಿಮೋಕ್ಖಾದಿ ತಿವಿಧಂ ಸೀಲಂ ಗಹಿತಂ ಸೋಧೇತಬ್ಬತ್ತಾ। ತೇಸನ್ತಿ ತೇಹಿ ಸೀಲಕ್ಖನ್ಧೋ ಸಙ್ಗಹಿತೋ। ಸಮಾಧಿಪಞ್ಞಿನ್ದ್ರಿಯೇಹಿ ಸಮಾಧಿಪಞ್ಞಾಕ್ಖನ್ಧಾ ಗಹಿತಾತಿ ಪಾಕಟೋಯಮತ್ಥೋ, ತಥಾ ಸೇಸಮ್ಪೀತಿ ಆಹ ‘‘ಇತೋ ಪರೇಸು…ಪೇ॰… ವುತ್ತನಯಮೇವಾ’’ತಿ।
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
೭೬. ಹೇತುಹೇತುಸಮುಪ್ಪನ್ನಪಚ್ಚಯಪಚ್ಚಯುಪ್ಪನ್ನಸಙ್ಖಾತಸ್ಸಾತಿ ಏತ್ಥ ಹೇತುಪಚ್ಚಯವಿಭಾಗೋ ಹೇಟ್ಠಾ ವುತ್ತೋಯೇವ।
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
ಪದಟ್ಠಾನಹಾರಸಮ್ಪಾತಾದಿವಣ್ಣನಾ ನಿಟ್ಠಿತಾ।
Padaṭṭhānahārasampātādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಖುದ್ದಕನಿಕಾಯ • Khuddakanikāya / ನೇತ್ತಿಪ್ಪಕರಣಪಾಳಿ • Nettippakaraṇapāḷi / ೪. ಪದಟ್ಠಾನಹಾರಸಮ್ಪಾತೋ • 4. Padaṭṭhānahārasampāto
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ನೇತ್ತಿಪ್ಪಕರಣ-ಅಟ್ಠಕಥಾ • Nettippakaraṇa-aṭṭhakathā / ೪. ಪದಟ್ಠಾನಹಾರಸಮ್ಪಾತವಣ್ಣನಾ • 4. Padaṭṭhānahārasampātavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಖುದ್ದಕನಿಕಾಯ (ಟೀಕಾ) • Khuddakanikāya (ṭīkā) / ನೇತ್ತಿವಿಭಾವಿನೀ • Nettivibhāvinī / ೪. ಪದಟ್ಠಾನಹಾರಸಮ್ಪಾತವಿಭಾವನಾ • 4. Padaṭṭhānahārasampātavibhāvanā
