| Library / Tipiṭaka / តិបិដក • Tipiṭaka / នេត្តិប្បករណ-ដីកា • Nettippakaraṇa-ṭīkā |
៤. បទដ្ឋានហារសម្បាតាទិវណ្ណនា
4. Padaṭṭhānahārasampātādivaṇṇanā
៦៦. យស្មា វា សំកិលេសតោ រក្ខិតចិត្តស្ស តីណិ សុចរិតានិ បារិបូរិំ គច្ឆន្តិ, តស្មា រក្ខិតចិត្តស្សាតិ ឯត្ថ យាយំ រក្ខិតចិត្តតា, សា កាយសុចរិតាទីនំ តិណ្ណំ សុចរិតានំ បទដ្ឋានន្តិ ឯវមេត្ថ អត្ថោ វេទិតព្ពោ។ អត្តាធីនន្តិ អត្តបរាធីនំ។
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
តតោ ឯវាតិ ការណគ្គហណេន ផលស្ស គហិតត្តា ឯវ។
Tato evāti kāraṇaggahaṇena phalassa gahitattā eva.
៦៨. តត្ថ ឥតិសទ្ទោតិ ‘‘បរិបាលីយតី’’តិ ឥតិសទ្ទោ។
68.Tatthaitisaddoti ‘‘paripālīyatī’’ti itisaddo.
៧៣-៤. បាឡិយំ បញ្ចិន្ទ្រិយានិ តីហិ ខន្ធេហិ សង្គហិតានីតិ ឯត្ថ សទ្ធាវីរិយសតិន្ទ្រិយេហិ បាតិមោក្ខាទិ តិវិធំ សីលំ គហិតំ សោធេតព្ពត្តា។ តេសន្តិ តេហិ សីលក្ខន្ធោ សង្គហិតោ។ សមាធិបញ្ញិន្ទ្រិយេហិ សមាធិបញ្ញាក្ខន្ធា គហិតាតិ បាកដោយមត្ថោ, តថា សេសម្បីតិ អាហ ‘‘ឥតោ បរេសុ…បេ.… វុត្តនយមេវា’’តិ។
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
៧៦. ហេតុហេតុសមុប្បន្នបច្ចយបច្ចយុប្បន្នសង្ខាតស្សាតិ ឯត្ថ ហេតុបច្ចយវិភាគោ ហេដ្ឋា វុត្តោយេវ។
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
បទដ្ឋានហារសម្បាតាទិវណ្ណនា និដ្ឋិតា។
Padaṭṭhānahārasampātādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / នេត្តិប្បករណបាឡិ • Nettippakaraṇapāḷi / ៤. បទដ្ឋានហារសម្បាតោ • 4. Padaṭṭhānahārasampāto
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / នេត្តិប្បករណ-អដ្ឋកថា • Nettippakaraṇa-aṭṭhakathā / ៤. បទដ្ឋានហារសម្បាតវណ្ណនា • 4. Padaṭṭhānahārasampātavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / ខុទ្ទកនិកាយ (ដីកា) • Khuddakanikāya (ṭīkā) / នេត្តិវិភាវិនី • Nettivibhāvinī / ៤. បទដ្ឋានហារសម្បាតវិភាវនា • 4. Padaṭṭhānahārasampātavibhāvanā
