| Library / Tipiṭaka / তিপিটক • Tipiṭaka / নেত্তিপ্পকরণ-টীকা • Nettippakaraṇa-ṭīkā |
৪. পদট্ঠানহারসম্পাতাদিৰণ্ণনা
4. Padaṭṭhānahārasampātādivaṇṇanā
৬৬. যস্মা ৰা সংকিলেসতো রক্খিতচিত্তস্স তীণি সুচরিতানি পারিপূরিং গচ্ছন্তি, তস্মা রক্খিতচিত্তস্সাতি এত্থ যাযং রক্খিতচিত্ততা, সা কাযসুচরিতাদীনং তিণ্ণং সুচরিতানং পদট্ঠানন্তি এৰমেত্থ অত্থো ৰেদিতব্বো। অত্তাধীনন্তি অত্তপরাধীনং।
66. Yasmā vā saṃkilesato rakkhitacittassa tīṇi sucaritāni pāripūriṃ gacchanti, tasmā rakkhitacittassāti ettha yāyaṃ rakkhitacittatā, sā kāyasucaritādīnaṃ tiṇṇaṃ sucaritānaṃ padaṭṭhānanti evamettha attho veditabbo. Attādhīnanti attaparādhīnaṃ.
ততো এৰাতি কারণগ্গহণেন ফলস্স গহিতত্তা এৰ।
Tato evāti kāraṇaggahaṇena phalassa gahitattā eva.
৬৮. তত্থ ইতিসদ্দোতি ‘‘পরিপালীযতী’’তি ইতিসদ্দো।
68.Tatthaitisaddoti ‘‘paripālīyatī’’ti itisaddo.
৭৩-৪. পাল়িযং পঞ্চিন্দ্রিযানি তীহি খন্ধেহি সঙ্গহিতানীতি এত্থ সদ্ধাৰীরিযসতিন্দ্রিযেহি পাতিমোক্খাদি তিৰিধং সীলং গহিতং সোধেতব্বত্তা। তেসন্তি তেহি সীলক্খন্ধো সঙ্গহিতো। সমাধিপঞ্ঞিন্দ্রিযেহি সমাধিপঞ্ঞাক্খন্ধা গহিতাতি পাকটোযমত্থো, তথা সেসম্পীতি আহ ‘‘ইতো পরেসু…পে॰… ৰুত্তনযমেৰা’’তি।
73-4. Pāḷiyaṃ pañcindriyāni tīhi khandhehi saṅgahitānīti ettha saddhāvīriyasatindriyehi pātimokkhādi tividhaṃ sīlaṃ gahitaṃ sodhetabbattā. Tesanti tehi sīlakkhandho saṅgahito. Samādhipaññindriyehi samādhipaññākkhandhā gahitāti pākaṭoyamattho, tathā sesampīti āha ‘‘ito paresu…pe… vuttanayamevā’’ti.
৭৬. হেতুহেতুসমুপ্পন্নপচ্চযপচ্চযুপ্পন্নসঙ্খাতস্সাতি এত্থ হেতুপচ্চযৰিভাগো হেট্ঠা ৰুত্তোযেৰ।
76.Hetuhetusamuppannapaccayapaccayuppannasaṅkhātassāti ettha hetupaccayavibhāgo heṭṭhā vuttoyeva.
পদট্ঠানহারসম্পাতাদিৰণ্ণনা নিট্ঠিতা।
Padaṭṭhānahārasampātādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / নেত্তিপ্পকরণপাল়ি • Nettippakaraṇapāḷi / ৪. পদট্ঠানহারসম্পাতো • 4. Padaṭṭhānahārasampāto
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / নেত্তিপ্পকরণ-অট্ঠকথা • Nettippakaraṇa-aṭṭhakathā / ৪. পদট্ঠানহারসম্পাতৰণ্ণনা • 4. Padaṭṭhānahārasampātavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / খুদ্দকনিকায (টীকা) • Khuddakanikāya (ṭīkā) / নেত্তিৰিভাৰিনী • Nettivibhāvinī / ৪. পদট্ঠানহারসম্পাতৰিভাৰনা • 4. Padaṭṭhānahārasampātavibhāvanā
