| Library / Tipiṭaka / തിപിടക • Tipiṭaka / പരിവാര-അട്ഠകഥാ • Parivāra-aṭṭhakathā |
പദസോധമ്മസമുട്ഠാനവണ്ണനാ
Padasodhammasamuṭṭhānavaṇṇanā
൨൬൪. പദഞ്ഞത്ര അസമ്മതാതി ‘‘പദസോ ധമ്മം, മാതുഗാമസ്സ ഉത്തരിഛപ്പഞ്ചവാചാഹി ധമ്മം ദേസേയ്യ, അഞ്ഞത്ര വിഞ്ഞുനാ പുരിസവിഗ്ഗഹേന, അസമ്മതോ ഭിക്ഖുനിയോ ഓവദേയ്യാ’’തി വുത്തസിക്ഖാപദത്തയം. തഥാ അത്ഥങ്ഗതേന ചാതി ‘‘അത്ഥങ്ഗതേ സൂരിയേ ഓവദേയ്യാ’’തി ഇദമേതം സന്ധായ വുത്തം. തിരച്ഛാനവിജ്ജാ ദ്വേതി ‘‘തിരച്ഛാനവിജ്ജം പരിയാപുണേയ്യ, വാചേയ്യാ’’തി ഏവം വുത്തസിക്ഖാപദദ്വയം . അനോകാസോ ച പുച്ഛനാതി ‘‘അനോകാസകതം ഭിക്ഖും പഞ്ഹം പുച്ഛേയ്യാ’’തി ഇദമേതം സന്ധായ വുത്തം.
264.Padaññatra asammatāti ‘‘padaso dhammaṃ, mātugāmassa uttarichappañcavācāhi dhammaṃ deseyya, aññatra viññunā purisaviggahena, asammato bhikkhuniyo ovadeyyā’’ti vuttasikkhāpadattayaṃ. Tathā atthaṅgatena cāti ‘‘atthaṅgate sūriye ovadeyyā’’ti idametaṃ sandhāya vuttaṃ. Tiracchānavijjā dveti ‘‘tiracchānavijjaṃ pariyāpuṇeyya, vāceyyā’’ti evaṃ vuttasikkhāpadadvayaṃ . Anokāso ca pucchanāti ‘‘anokāsakataṃ bhikkhuṃ pañhaṃ puccheyyā’’ti idametaṃ sandhāya vuttaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / പരിവാരപാളി • Parivārapāḷi / ൭. പദസോധമ്മസമുട്ഠാനം • 7. Padasodhammasamuṭṭhānaṃ
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / പദസോധമ്മസമുട്ഠാനവണ്ണനാ • Padasodhammasamuṭṭhānavaṇṇanā
