| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣. បច្ចុគ្គមនិយត្ថេរអបទានំ
3. Paccuggamaniyattheraapadānaṃ
១១.
11.
‘‘សីហំ យថា វនចរំ, និសភាជានិយំ យថា;
‘‘Sīhaṃ yathā vanacaraṃ, nisabhājāniyaṃ yathā;
កកុធំ វិលសន្តំវ, អាគច្ឆន្តំ នរាសភំ។
Kakudhaṃ vilasantaṃva, āgacchantaṃ narāsabhaṃ.
១២.
12.
‘‘សិទ្ធត្ថំ លោកបជ្ជោតំ, សព្ពលោកតិកិច្ឆកំ;
‘‘Siddhatthaṃ lokapajjotaṃ, sabbalokatikicchakaṃ;
អកាសិំ បច្ចុគ្គមនំ, វិប្បសន្នេន ចេតសា។
Akāsiṃ paccuggamanaṃ, vippasannena cetasā.
១៣.
13.
‘‘ចតុន្នវុតិតោ កប្បេ, បច្ចុគ្គច្ឆិំ នរាសភំ;
‘‘Catunnavutito kappe, paccuggacchiṃ narāsabhaṃ;
ទុគ្គតិំ នាភិជានាមិ, បច្ចុគ្គមនេ ឥទំ ផលំ។
Duggatiṃ nābhijānāmi, paccuggamane idaṃ phalaṃ.
១៤.
14.
សបរិវារោតិ នាមេន, ចក្កវត្តី មហព្ពលោ។
Saparivāroti nāmena, cakkavattī mahabbalo.
១៥.
15.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បច្ចុគ្គមនិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā paccuggamaniyo thero imā gāthāyo abhāsitthāti.
បច្ចុគ្គមនិយត្ថេរស្សាបទានំ តតិយំ។
Paccuggamaniyattherassāpadānaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. បណ្ណទាយកត្ថេរអបទានាទិវណ្ណនា • 1-10. Paṇṇadāyakattheraapadānādivaṇṇanā
