| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૨. પચ્છાસમણસુત્તવણ્ણના
2. Pacchāsamaṇasuttavaṇṇanā
૧૧૨. દુતિયે પત્તપરિયાપન્નં ન ગણ્હાતીતિ ઉપજ્ઝાયે નિવત્તિત્વા ઠિતે અત્તનો તુચ્છપત્તં દત્વા તસ્સ પત્તં ન ગણ્હાતિ, તતો વા દીયમાનં ન ગણ્હાતિ. ન નિવારેતીતિ ઇદં વચનં આપત્તિવીતિક્કમવચનં નામાતિ ન જાનાતિ. ઞત્વા વાપિ, ‘‘ભન્તે, એવરૂપં નામ વત્તું ન વટ્ટતી’’તિ ન નિવારેતિ. કથં ઓપાતેતીતિ તસ્સ કથં ભિન્દિત્વા અત્તનો કથં પવેસેતિ. જળોતિ જડો. એળમૂગોતિ પગ્ઘરિતખેળમુખો. તતિયં ઉત્તાનમેવ.
112. Dutiye pattapariyāpannaṃ na gaṇhātīti upajjhāye nivattitvā ṭhite attano tucchapattaṃ datvā tassa pattaṃ na gaṇhāti, tato vā dīyamānaṃ na gaṇhāti. Na nivāretīti idaṃ vacanaṃ āpattivītikkamavacanaṃ nāmāti na jānāti. Ñatvā vāpi, ‘‘bhante, evarūpaṃ nāma vattuṃ na vaṭṭatī’’ti na nivāreti. Kathaṃ opātetīti tassa kathaṃ bhinditvā attano kathaṃ paveseti. Jaḷoti jaḍo. Eḷamūgoti paggharitakheḷamukho. Tatiyaṃ uttānameva.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨. પચ્છાસમણસુત્તં • 2. Pacchāsamaṇasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૪. કુલૂપકસુત્તાદિવણ્ણના • 1-4. Kulūpakasuttādivaṇṇanā
