| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೨. ಪಚ್ಛಾಸಮಣಸುತ್ತಂ
2. Pacchāsamaṇasuttaṃ
೧೧೨. ‘‘ಪಞ್ಚಹಿ, ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ಪಚ್ಛಾಸಮಣೋ ನ ಆದಾತಬ್ಬೋ। ಕತಮೇಹಿ ಪಞ್ಚಹಿ? ಅತಿದೂರೇ ವಾ ಗಚ್ಛತಿ ಅಚ್ಚಾಸನ್ನೇ ವಾ , ನ ಪತ್ತಪರಿಯಾಪನ್ನಂ ಗಣ್ಹತಿ, ಆಪತ್ತಿಸಾಮನ್ತಾ ಭಣಮಾನಂ ನ ನಿವಾರೇತಿ, ಭಣಮಾನಸ್ಸ ಅನ್ತರನ್ತರಾ ಕಥಂ ಓಪಾತೇತಿ, ದುಪ್ಪಞ್ಞೋ ಹೋತಿ ಜಳೋ ಏಳಮೂಗೋ। ಇಮೇಹಿ ಖೋ, ಭಿಕ್ಖವೇ, ಪಞ್ಚಹಿ ಧಮ್ಮೇಹಿ ಸಮನ್ನಾಗತೋ ಪಚ್ಛಾಸಮಣೋ ನ ಆದಾತಬ್ಬೋ।
112. ‘‘Pañcahi, bhikkhave, dhammehi samannāgato pacchāsamaṇo na ādātabbo. Katamehi pañcahi? Atidūre vā gacchati accāsanne vā , na pattapariyāpannaṃ gaṇhati, āpattisāmantā bhaṇamānaṃ na nivāreti, bhaṇamānassa antarantarā kathaṃ opāteti, duppañño hoti jaḷo eḷamūgo. Imehi kho, bhikkhave, pañcahi dhammehi samannāgato pacchāsamaṇo na ādātabbo.
‘‘ಪಞ್ಚಹಿ, ಭಿಕ್ಖವೇ, ಧಮ್ಮೇಹಿ ಸಮನ್ನಾಗತೋ ಪಚ್ಛಾಸಮಣೋ ಆದಾತಬ್ಬೋ। ಕತಮೇಹಿ ಪಞ್ಚಹಿ? ನಾತಿದೂರೇ ಗಚ್ಛತಿ ನ ಅಚ್ಚಾಸನ್ನೇ, ಪತ್ತಪರಿಯಾಪನ್ನಂ ಗಣ್ಹತಿ, ಆಪತ್ತಿಸಾಮನ್ತಾ ಭಣಮಾನಂ ನಿವಾರೇತಿ , ಭಣಮಾನಸ್ಸ ನ ಅನ್ತರನ್ತರಾ ಕಥಂ ಓಪಾತೇತಿ, ಪಞ್ಞವಾ ಹೋತಿ ಅಜಳೋ ಅನೇಳಮೂಗೋ। ಇಮೇಹಿ ಖೋ, ಭಿಕ್ಖವೇ, ಪಞ್ಚಹಿ ಧಮ್ಮೇಹಿ ಸಮನ್ನಾಗತೋ ಪಚ್ಛಾಸಮಣೋ ಆದಾತಬ್ಬೋ’’ತಿ। ದುತಿಯಂ।
‘‘Pañcahi, bhikkhave, dhammehi samannāgato pacchāsamaṇo ādātabbo. Katamehi pañcahi? Nātidūre gacchati na accāsanne, pattapariyāpannaṃ gaṇhati, āpattisāmantā bhaṇamānaṃ nivāreti , bhaṇamānassa na antarantarā kathaṃ opāteti, paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato pacchāsamaṇo ādātabbo’’ti. Dutiyaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೨. ಪಚ್ಛಾಸಮಣಸುತ್ತವಣ್ಣನಾ • 2. Pacchāsamaṇasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೪. ಕುಲೂಪಕಸುತ್ತಾದಿವಣ್ಣನಾ • 1-4. Kulūpakasuttādivaṇṇanā
