| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১৫. পন্নরসমৰগ্গো
15. Pannarasamavaggo
১. পচ্চযতাকথাৰণ্ণনা
1. Paccayatākathāvaṇṇanā
৭১১-৭১৭. ইদানি পচ্চযতাকথা নাম হোতি। তত্থ যো ধম্মো হেতুপচ্চযেন পচ্চযো, সো যেসং হেতুপচ্চযেন পচ্চযো, তেসঞ্ঞেৰ যস্মা আরম্মণানন্তরসমনন্তরপচ্চযেন পচ্চযো ন হোতি, যো ৰা আরম্মণপচ্চযেন পচ্চযো, সো যস্মা তেসংযেৰ অনন্তরসমনন্তরপচ্চযেন পচ্চযো ন হোতি, তস্মা পচ্চযতা ৰৰত্থিতাতি যেসং লদ্ধি, সেয্যথাপি মহাসঙ্ঘিকানং; তে সন্ধায পুচ্ছা সকৰাদিস্স, পটিঞ্ঞা ইতরস্স। সেসমেত্থ যথাপাল়িমেৰ নিয্যাতীতি।
711-717. Idāni paccayatākathā nāma hoti. Tattha yo dhammo hetupaccayena paccayo, so yesaṃ hetupaccayena paccayo, tesaññeva yasmā ārammaṇānantarasamanantarapaccayena paccayo na hoti, yo vā ārammaṇapaccayena paccayo, so yasmā tesaṃyeva anantarasamanantarapaccayena paccayo na hoti, tasmā paccayatā vavatthitāti yesaṃ laddhi, seyyathāpi mahāsaṅghikānaṃ; te sandhāya pucchā sakavādissa, paṭiññā itarassa. Sesamettha yathāpāḷimeva niyyātīti.
পচ্চযতাকথাৰণ্ণনা।
Paccayatākathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৪৫) ১. পচ্চযতাকথা • (145) 1. Paccayatākathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১. পচ্চযতাকথাৰণ্ণনা • 1. Paccayatākathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১. পচ্চযতাকথাৰণ্ণনা • 1. Paccayatākathāvaṇṇanā
