| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਪਚ੍ਚਯਸੁਤ੍ਤવਣ੍ਣਨਾ
7. Paccayasuttavaṇṇanā
੨੭. ਪਟਿਪਾਟਿਯਾਤਿ ਪਟਿਪਾਟਿਯਾ ਠਪਨੇਨ। ਚਤੁਸਚ੍ਚਯੋਜਨਂ ਦਸ੍ਸੇਤੁਂ ਪਰਿਯੋਸਾਨ…ਪੇ॰… ਆਦਿ વੁਤ੍ਤਂ। ਦੁਕ੍ਖਸਚ੍ਚવਸੇਨਾਤਿ ਪਰਿਞ੍ਞੇਯ੍ਯਭਾવવਸੇਨ। ਜਰਾਮਰਣਾਪਦੇਸੇਨ ਹਿ ਪਞ੍ਚੁਪਾਦਾਨਕ੍ਖਨ੍ਧਾ વੁਤ੍ਤਾ, ਤੇ ਚਸ੍ਸ ਅਤ੍ਤਨੋ ਫਲਸ੍ਸ ਪਚ੍ਚਯਾ ਨ ਹੋਨ੍ਤਿ। ਤਂ ਸਨ੍ਧਾਯ વੁਤ੍ਤਂ ‘‘ਪਚ੍ਚਯਂ ਜਾਨਾਤੀ’’ਤਿ। વਿਨੇਯ੍ਯਜ੍ਝਾਸਯવਸੇਨ ਹੇਤ੍ਥ ਦੇਸਨਾ ਪવਤ੍ਤਾ। ਸਮ੍ਪਨ੍ਨੋਤਿ ਸਮਨ੍ਨਾਗਤੋ। ਆਗਤੋਤਿ ਉਪਗਤੋ, ਅਧਿਗਤੋਤਿ ਅਤ੍ਥੋ। ਪਸ੍ਸਤੀਤਿ ਪਚ੍ਚવੇਕ੍ਖਣਞਾਣੇਨ ਪਚ੍ਚਕ੍ਖਤੋ ਪਸ੍ਸਤਿ, ਮਗ੍ਗਪਞ੍ਞਾਯ ਏવਂ ਅਸਮ੍ਮੋਹਪਟਿવੇਧવਸੇਨ ਪਸ੍ਸਤਿ। ਮਗ੍ਗਞਾਣੇਨੇવ, ਨ ਫਲਞਾਣੇਨ। ਧਮ੍ਮਸੋਤਂ ਸਮਾਪਨ੍ਨੋਤਿ ਅਰਿਯਧਮ੍ਮਸੋਤਂ ਸਮ੍ਮਦੇવ ਆਪਨ੍ਨੋ ਪਤ੍ਤੋ। ਅਨਯੇ ਨਇਰਿਯਨਤੋ, ਅਯੇ ਚ ਇਰਿਯਨਤੋ, ਸਦੇવਕੇਨ ਚ ਲੋਕੇਨ ‘‘ਸਰਣ’’ਨ੍ਤਿ ਅਕਰਣੀਯਤੋ ਅਰਿਯਪਕ੍ਖਂ ਭਜਨ੍ਤੋ ਪੁਥੁਜ੍ਜਨਭੂਮਿਂ ਅਤਿਕ੍ਕਨ੍ਤੋ। ਨਿਬ੍ਬੇਧਿਕਪਞ੍ਞਾਯਾਤਿ ਚਤੁਨ੍ਨਂ ਅਰਿਯਸਚ੍ਚਾਨਂ ਨਿਬ੍ਬਿਜ੍ਝਨਕਪਞ੍ਞਾਯ। ਆਹਚ੍ਚ ਤਿਟ੍ਠਤਿ ਮਗ੍ਗਕ੍ਖਣੇ, ਫਲਕ੍ਖਣੇ ਪਨ ਆਹਚ੍ਚ ਠਿਤੋ ਨਾਮ।
27.Paṭipāṭiyāti paṭipāṭiyā ṭhapanena. Catusaccayojanaṃ dassetuṃ pariyosāna…pe… ādi vuttaṃ. Dukkhasaccavasenāti pariññeyyabhāvavasena. Jarāmaraṇāpadesena hi pañcupādānakkhandhā vuttā, te cassa attano phalassa paccayā na honti. Taṃ sandhāya vuttaṃ ‘‘paccayaṃ jānātī’’ti. Vineyyajjhāsayavasena hettha desanā pavattā. Sampannoti samannāgato. Āgatoti upagato, adhigatoti attho. Passatīti paccavekkhaṇañāṇena paccakkhato passati, maggapaññāya evaṃ asammohapaṭivedhavasena passati. Maggañāṇeneva, na phalañāṇena. Dhammasotaṃ samāpannoti ariyadhammasotaṃ sammadeva āpanno patto. Anaye nairiyanato, aye ca iriyanato, sadevakena ca lokena ‘‘saraṇa’’nti akaraṇīyato ariyapakkhaṃ bhajanto puthujjanabhūmiṃ atikkanto. Nibbedhikapaññāyāti catunnaṃ ariyasaccānaṃ nibbijjhanakapaññāya. Āhacca tiṭṭhati maggakkhaṇe, phalakkhaṇe pana āhacca ṭhito nāma.
ਪਚ੍ਚਯਸੁਤ੍ਤવਣ੍ਣਨਾ ਨਿਟ੍ਠਿਤਾ।
Paccayasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਪਚ੍ਚਯਸੁਤ੍ਤਂ • 7. Paccayasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਪਚ੍ਚਯਸੁਤ੍ਤવਣ੍ਣਨਾ • 7. Paccayasuttavaṇṇanā
