| Library / Tipiṭaka / तिपिटक • Tipiṭaka / उदानपाळि • Udānapāḷi |
३. पच्चवेक्खणसुत्तं
3. Paccavekkhaṇasuttaṃ
५३. एवं मे सुतं – एकं समयं भगवा सावत्थियं विहरति जेतवने अनाथपिण्डिकस्स आरामे। तेन खो पन समयेन भगवा अत्तनो अनेके पापके अकुसले धम्मे पहीने पच्चवेक्खमानो निसिन्नो होति, अनेके च कुसले धम्मे भावनापारिपूरिं गते।
53. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhagavā attano aneke pāpake akusale dhamme pahīne paccavekkhamāno nisinno hoti, aneke ca kusale dhamme bhāvanāpāripūriṃ gate.
‘‘अहु पुब्बे तदा नाहु, नाहु पुब्बे तदा अहु।
‘‘Ahu pubbe tadā nāhu, nāhu pubbe tadā ahu;
न चाहु न च भविस्सति, न चेतरहि विज्जती’’ति॥ ततियं।
Na cāhu na ca bhavissati, na cetarahi vijjatī’’ti. tatiyaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / उदान-अट्ठकथा • Udāna-aṭṭhakathā / ३. पच्चवेक्खणसुत्तवण्णना • 3. Paccavekkhaṇasuttavaṇṇanā
