| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. པཙྩནྟསུཏྟཾ
2. Paccantasuttaṃ
༡༡༣༢. ཨཐ ཁོ བྷགཝཱ པརིཏྟཾ ནཁསིཁཱཡཾ པཾསུཾ ཨཱརོཔེཏྭཱ བྷིཀྑཱུ ཨཱམནྟེསི – ‘‘ཏཾ ཀིཾ མཉྙཐ, བྷིཀྑཝེ, ཀཏམཾ ནུ ཁོ བཧུཏརཾ – ཡོ ཝཱཡཾ མཡཱ པརིཏྟོ ནཁསིཁཱཡཾ པཾསུ ཨཱརོཔིཏོ, ཨཡཾ ཝཱ མཧཱཔཐཝཱི’’ཏི? ‘‘ཨེཏདེཝ, བྷནྟེ, བཧུཏརཾ, ཡདིདཾ – མཧཱཔཐཝཱི; ཨཔྤམཏྟཀཱཡཾ བྷགཝཏཱ པརིཏྟོ ནཁསིཁཱཡཾ པཾསུ ཨཱརོཔིཏོ། སངྑམྤི ན ཨུཔེཏི, ཨུཔནིདྷམྤི ན ཨུཔེཏི, ཀལབྷཱགམྤི ན ཨུཔེཏི མཧཱཔཐཝིཾ ཨུཔནིདྷཱཡ བྷགཝཏཱ པརིཏྟོ ནཁསིཁཱཡཾ པཾསུ ཨཱརོཔིཏོ’’ཏི།
1132. Atha kho bhagavā parittaṃ nakhasikhāyaṃ paṃsuṃ āropetvā bhikkhū āmantesi – ‘‘taṃ kiṃ maññatha, bhikkhave, katamaṃ nu kho bahutaraṃ – yo vāyaṃ mayā paritto nakhasikhāyaṃ paṃsu āropito, ayaṃ vā mahāpathavī’’ti? ‘‘Etadeva, bhante, bahutaraṃ, yadidaṃ – mahāpathavī; appamattakāyaṃ bhagavatā paritto nakhasikhāyaṃ paṃsu āropito. Saṅkhampi na upeti, upanidhampi na upeti, kalabhāgampi na upeti mahāpathaviṃ upanidhāya bhagavatā paritto nakhasikhāyaṃ paṃsu āropito’’ti.
‘‘ཨེཝམེཝ ཁོ, བྷིཀྑཝེ, ཨཔྤམཏྟཀཱ ཏེ སཏྟཱ ཡེ མཛ྄ཛྷིམེསུ ཛནཔདེསུ པཙྩཱཛཱཡནྟི; ཨཐ ཁོ ཨེཏེཝ བཧུཏརཱ སཏྟཱ ཡེ པཙྩནྟིམེསུ ཛནཔདེསུ པཙྩཱཛཱཡནྟི ཨཝིཉྙཱཏཱརེསུ མིལཀྑེསུ 1 …པེ॰…། དུཏིཡཾ།
‘‘Evameva kho, bhikkhave, appamattakā te sattā ye majjhimesu janapadesu paccājāyanti; atha kho eteva bahutarā sattā ye paccantimesu janapadesu paccājāyanti aviññātāresu milakkhesu 2 …pe…. Dutiyaṃ.
Footnotes:
