| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൬. പച്ചനീകസുത്തം
6. Paccanīkasuttaṃ
൨൦൨. സാവത്ഥിനിദാനം . തേന ഖോ പന സമയേന പച്ചനീകസാതോ നാമ ബ്രാഹ്മണോ സാവത്ഥിയം പടിവസതി. അഥ ഖോ പച്ചനീകസാതസ്സ ബ്രാഹ്മണസ്സ ഏതദഹോസി – ‘‘യംനൂനാഹം യേന സമണോ ഗോതമോ തേനുപസങ്കമേയ്യം. യം യദേവ സമണോ ഗോതമോ ഭാസിസ്സതി തം തദേവസ്സാഹം 1 പച്ചനീകാസ്സ’’ന്തി 2. തേന ഖോ പന സമയേന ഭഗവാ അബ്ഭോകാസേ ചങ്കമതി. അഥ ഖോ പച്ചനീകസാതോ ബ്രാഹ്മണോ യേന ഭഗവാ തേനുപസങ്കമി; ഉപസങ്കമിത്വാ ഭഗവന്തം ചങ്കമന്തം ഏതദവോച – ‘ഭണ സമണധമ്മ’ന്തി.
202. Sāvatthinidānaṃ . Tena kho pana samayena paccanīkasāto nāma brāhmaṇo sāvatthiyaṃ paṭivasati. Atha kho paccanīkasātassa brāhmaṇassa etadahosi – ‘‘yaṃnūnāhaṃ yena samaṇo gotamo tenupasaṅkameyyaṃ. Yaṃ yadeva samaṇo gotamo bhāsissati taṃ tadevassāhaṃ 3 paccanīkāssa’’nti 4. Tena kho pana samayena bhagavā abbhokāse caṅkamati. Atha kho paccanīkasāto brāhmaṇo yena bhagavā tenupasaṅkami; upasaṅkamitvā bhagavantaṃ caṅkamantaṃ etadavoca – ‘bhaṇa samaṇadhamma’nti.
‘‘ന പച്ചനീകസാതേന, സുവിജാനം സുഭാസിതം;
‘‘Na paccanīkasātena, suvijānaṃ subhāsitaṃ;
ഉപക്കിലിട്ഠചിത്തേന, സാരമ്ഭബഹുലേന ച.
Upakkiliṭṭhacittena, sārambhabahulena ca.
‘‘യോ ച വിനേയ്യ സാരമ്ഭം, അപ്പസാദഞ്ച ചേതസോ;
‘‘Yo ca vineyya sārambhaṃ, appasādañca cetaso;
ഏവം വുത്തേ, പച്ചനീകസാതോ ബ്രാഹ്മണോ ഭഗവന്തം ഏതദവോച – ‘‘അഭിക്കന്തം, ഭോ ഗോതമ, അഭിക്കന്തം, ഭോ ഗോതമ…പേ॰… ഉപാസകം മം ഭവം ഗോതമോ ധാരേതു അജ്ജതഗ്ഗേ പാണുപേതം സരണം ഗത’’ന്തി.
Evaṃ vutte, paccanīkasāto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬. പച്ചനീകസുത്തവണ്ണനാ • 6. Paccanīkasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. പച്ചനീകസുത്തവണ്ണനാ • 6. Paccanīkasuttavaṇṇanā
