| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. பச்சாக³மனியத்தே²ரஅபதா³னங்
3. Paccāgamaniyattheraapadānaṃ
13.
13.
‘‘ஸிந்து⁴யா நதி³யா தீரே, சக்கவாகோ அஹங் ததா³;
‘‘Sindhuyā nadiyā tīre, cakkavāko ahaṃ tadā;
ஸுத்³த⁴ஸேவாலப⁴க்கோ²ஹங், பாபேஸு ச ஸுஸஞ்ஞதோ.
Suddhasevālabhakkhohaṃ, pāpesu ca susaññato.
14.
14.
‘‘அத்³த³ஸங் விரஜங் பு³த்³த⁴ங், க³ச்ச²ந்தங் அனிலஞ்ஜஸே;
‘‘Addasaṃ virajaṃ buddhaṃ, gacchantaṃ anilañjase;
துண்டே³ன ஸாலங் பக்³க³ய்ஹ, விபஸ்ஸிஸ்ஸாபி⁴ரோபயிங்.
Tuṇḍena sālaṃ paggayha, vipassissābhiropayiṃ.
15.
15.
‘‘யஸ்ஸ ஸத்³தா⁴ ததா²க³தே, அசலா ஸுபதிட்டி²தா;
‘‘Yassa saddhā tathāgate, acalā supatiṭṭhitā;
தேன சித்தப்பஸாதே³ன, து³க்³க³திங் ஸோ ந க³ச்ச²தி.
Tena cittappasādena, duggatiṃ so na gacchati.
16.
16.
‘‘ஸ்வாக³தங் வத மே ஆஸி, பு³த்³த⁴ஸெட்ட²ஸ்ஸ ஸந்திகே;
‘‘Svāgataṃ vata me āsi, buddhaseṭṭhassa santike;
விஹங்க³மேன ஸந்தேன, ஸுபீ³ஜங் ரோபிதங் மயா.
Vihaṅgamena santena, subījaṃ ropitaṃ mayā.
17.
17.
‘‘ஏகனவுதிதோ கப்பே, யங் புப்ப²மபி⁴ரோபயிங்;
‘‘Ekanavutito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் 1 ப²லங்.
Duggatiṃ nābhijānāmi, buddhapūjāyidaṃ 2 phalaṃ.
18.
18.
‘‘ஸுசாருத³ஸ்ஸனா நாம, அட்டே²தே ஏகனாமகா;
‘‘Sucārudassanā nāma, aṭṭhete ekanāmakā;
கப்பே ஸத்தரஸே ஆஸுங், சக்கவத்தீ மஹப்³ப³லா.
Kappe sattarase āsuṃ, cakkavattī mahabbalā.
19.
19.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பச்சாக³மனியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā paccāgamaniyo thero imā gāthāyo abhāsitthāti.
பச்சாக³மனியத்தே²ரஸ்ஸாபதா³னங் ததியங்.
Paccāgamaniyattherassāpadānaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. பச்சாக³மனியத்தே²ரஅபதா³னவண்ணனா • 3. Paccāgamaniyattheraapadānavaṇṇanā
