| Library / Tipiṭaka / ติปิฎก • Tipiṭaka / วิมานวตฺถุปาฬิ • Vimānavatthupāḷi |
๒. ปภสฺสรวิมานวตฺถุ
2. Pabhassaravimānavatthu
๖๙๗.
697.
มหิทฺธิเก จนฺทนรุจิรคเตฺต, กา ตฺวํ สุเภ เทวเต วนฺทเส มมํฯ
Mahiddhike candanaruciragatte, kā tvaṃ subhe devate vandase mamaṃ.
๖๙๘.
698.
‘‘ปลฺลโงฺก จ เต มหโคฺฆ, นานารตนจิตฺติโต รุจิโร;
‘‘Pallaṅko ca te mahaggho, nānāratanacittito ruciro;
ยตฺถ ตฺวํ นิสินฺนา วิโรจสิ, เทวราชาริว นนฺทเน วเนฯ
Yattha tvaṃ nisinnā virocasi, devarājāriva nandane vane.
๖๙๙.
699.
‘‘กิํ ตฺวํ ปุเร สุจริตมาจรี ภเทฺท, กิสฺส กมฺมสฺส วิปากํ;
‘‘Kiṃ tvaṃ pure sucaritamācarī bhadde, kissa kammassa vipākaṃ;
อนุโภสิ เทวโลกสฺมิํ, เทวเต ปุจฺฉิตาจิกฺข;
Anubhosi devalokasmiṃ, devate pucchitācikkha;
กิสฺส กมฺมสฺสิทํ ผล’’นฺติฯ
Kissa kammassidaṃ phala’’nti.
๗๐๐.
700.
‘‘ปิณฺฑาย เต จรนฺตสฺส, มาลํ ผาณิตญฺจ อททํ ภเนฺต;
‘‘Piṇḍāya te carantassa, mālaṃ phāṇitañca adadaṃ bhante;
ตสฺส กมฺมสฺสิทํ วิปากํ, อนุโภมิ เทวโลกสฺมิํฯ
Tassa kammassidaṃ vipākaṃ, anubhomi devalokasmiṃ.
๗๐๑.
701.
สาหํ ธมฺมํ นาโสฺสสิํ, สุเทสิตํ ธมฺมราเชนฯ
Sāhaṃ dhammaṃ nāssosiṃ, sudesitaṃ dhammarājena.
๗๐๒.
702.
‘‘ตํ ตํ วทามิ ภทฺทเนฺต, ‘ยสฺส เม อนุกมฺปิโย โกจิ;
‘‘Taṃ taṃ vadāmi bhaddante, ‘yassa me anukampiyo koci;
ธเมฺมสุ ตํ สมาทเปถ’, สุเทสิตํ ธมฺมราเชนฯ
Dhammesu taṃ samādapetha’, sudesitaṃ dhammarājena.
๗๐๓.
703.
‘‘เยสํ อตฺถิ สทฺธา พุเทฺธ, ธเมฺม จ สงฺฆรตเน;
‘‘Yesaṃ atthi saddhā buddhe, dhamme ca saṅgharatane;
เต มํ อติวิโรจนฺติ, อายุนา ยสสา สิริยาฯ
Te maṃ ativirocanti, āyunā yasasā siriyā.
๗๐๔.
704.
‘‘ปตาเปน วเณฺณน อุตฺตริตรา,
‘‘Patāpena vaṇṇena uttaritarā,
อเญฺญ มหิทฺธิกตรา มยา เทวา’’ติ;
Aññe mahiddhikatarā mayā devā’’ti;
ปภสฺสรวิมานํ ทุติยํฯ
Pabhassaravimānaṃ dutiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / วิมานวตฺถุ-อฎฺฐกถา • Vimānavatthu-aṭṭhakathā / ๒. ปภสฺสรวิมานวณฺณนา • 2. Pabhassaravimānavaṇṇanā
