| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੧. ਪਭਙ੍ਗੁਸੁਤ੍ਤਂ
11. Pabhaṅgusuttaṃ
੩੨. ਸਾવਤ੍ਥਿਨਿਦਾਨਂ। ‘‘ਪਭਙ੍ਗੁਞ੍ਚ, ਭਿਕ੍ਖવੇ, ਦੇਸੇਸ੍ਸਾਮਿ ਅਪ੍ਪਭਙ੍ਗੁਞ੍ਚ। ਤਂ ਸੁਣਾਥ। ਕਿਞ੍ਚ, ਭਿਕ੍ਖવੇ, ਪਭਙ੍ਗੁ, ਕਿਂ ਅਪ੍ਪਭਙ੍ਗੁ? ਰੂਪਂ , ਭਿਕ੍ਖવੇ, ਪਭਙ੍ਗੁ। ਯੋ ਤਸ੍ਸ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਇਦਂ ਅਪ੍ਪਭਙ੍ਗੁ। વੇਦਨਾ ਪਭਙ੍ਗੁ। ਯੋ ਤਸ੍ਸਾ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਇਦਂ ਅਪ੍ਪਭਙ੍ਗੁ। ਸਞ੍ਞਾ ਪਭਙ੍ਗੁ… ਸਙ੍ਖਾਰਾ ਪਭਙ੍ਗੁ। ਯੋ ਤੇਸਂ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਇਦਂ ਅਪ੍ਪਭਙ੍ਗੁ। વਿਞ੍ਞਾਣਂ ਪਭਙ੍ਗੁ। ਯੋ ਤਸ੍ਸ ਨਿਰੋਧੋ વੂਪਸਮੋ ਅਤ੍ਥਙ੍ਗਮੋ, ਇਦਂ ਅਪ੍ਪਭਙ੍ਗੂ’’ਤਿ। ਏਕਾਦਸਮਂ।
32. Sāvatthinidānaṃ. ‘‘Pabhaṅguñca, bhikkhave, desessāmi appabhaṅguñca. Taṃ suṇātha. Kiñca, bhikkhave, pabhaṅgu, kiṃ appabhaṅgu? Rūpaṃ , bhikkhave, pabhaṅgu. Yo tassa nirodho vūpasamo atthaṅgamo, idaṃ appabhaṅgu. Vedanā pabhaṅgu. Yo tassā nirodho vūpasamo atthaṅgamo, idaṃ appabhaṅgu. Saññā pabhaṅgu… saṅkhārā pabhaṅgu. Yo tesaṃ nirodho vūpasamo atthaṅgamo, idaṃ appabhaṅgu. Viññāṇaṃ pabhaṅgu. Yo tassa nirodho vūpasamo atthaṅgamo, idaṃ appabhaṅgū’’ti. Ekādasamaṃ.
ਭਾਰવਗ੍ਗੋ ਤਤਿਯੋ।
Bhāravaggo tatiyo.
ਤਸ੍ਸੁਦ੍ਦਾਨਂ –
Tassuddānaṃ –
ਭਾਰਂ ਪਰਿਞ੍ਞਂ ਅਭਿਜਾਨਂ, ਛਨ੍ਦਰਾਗਂ ਚਤੁਤ੍ਥਕਂ।
Bhāraṃ pariññaṃ abhijānaṃ, chandarāgaṃ catutthakaṃ;
ਅਸ੍ਸਾਦਾ ਚ ਤਯੋ વੁਤ੍ਤਾ, ਅਭਿਨਨ੍ਦਨਮਟ੍ਠਮਂ।
Assādā ca tayo vuttā, abhinandanamaṭṭhamaṃ;
ਉਪ੍ਪਾਦਂ ਅਘਮੂਲਞ੍ਚ, ਏਕਾਦਸਮੋ ਪਭਙ੍ਗੂਤਿ॥
Uppādaṃ aghamūlañca, ekādasamo pabhaṅgūti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਪਭਙ੍ਗੁਸੁਤ੍ਤવਣ੍ਣਨਾ • 11. Pabhaṅgusuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. ਪਭਙ੍ਗੁਸੁਤ੍ਤવਣ੍ਣਨਾ • 11. Pabhaṅgusuttavaṇṇanā
