Only Dharma. Since 1992

Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi

5. баб̣б̣ад̇ан̇г̇абан̃хо

5. Pabbataṅgapañho

5. ‘‘бханд̇з нааг̇асзна, ‘баб̣б̣ад̇асса бан̃жа ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани бан̃жа ан̇г̇аани г̇ахзд̇аб̣б̣ааний’’д̇и ? ‘‘яат̇аа, махаарааж̇а, баб̣б̣ад̇о ажало агамбид̇о ¹ асамбавзд̇хий, звамзва ко, махаарааж̇а, яог̇инаа яог̇ааважарзна саммаананз вимаананз саггаарз асаггаарз г̇аругаарз аг̇аругаарз яасз аяасз нинд̣̇ааяа басам̣сааяа сукз д̣̇угкз идтаанидтзсу саб̣б̣ад̇т̇а руубасад̣̇д̣̇аг̇анд̇харасаподтаб̣б̣ад̇хаммзсу раж̇анийязсу на раж̇ж̇ид̇аб̣б̣ам̣, д̣̇уссанийязсу на д̣̇уссид̇аб̣б̣ам̣, муяханийязсу на муяхид̇аб̣б̣ам̣, на гамбид̇аб̣б̣ам̣ на жалид̇аб̣б̣ам̣, баб̣б̣ад̇зна вияа ажалзна бхавид̇аб̣б̣ам̣. ид̣̇ам̣, махаарааж̇а, баб̣б̣ад̇асса батамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна –

5. ‘‘Bhante nāgasena, ‘pabbatassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti ? ‘‘Yathā, mahārāja, pabbato acalo akampito ² asampavedhī, evameva kho, mahārāja, yoginā yogāvacarena sammānane vimānane sakkāre asakkāre garukāre agarukāre yase ayase nindāya pasaṃsāya sukhe dukkhe iṭṭhāniṭṭhesu sabbattha rūpasaddagandharasaphoṭṭhabbadhammesu rajanīyesu na rajjitabbaṃ, dussanīyesu na dussitabbaṃ, muyhanīyesu na muyhitabbaṃ, na kampitabbaṃ na calitabbaṃ, pabbatena viya acalena bhavitabbaṃ. Idaṃ, mahārāja, pabbatassa paṭhamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –

‘‘‘сзло яат̇аа згагхано ³, ваад̇зна на самийрад̇и;

‘‘‘Selo yathā ekaghano ⁴, vātena na samīrati;

звам̣ нинд̣̇аабасам̣саасу, на самин̃ж̇анд̇и бан̣д̣ид̇аа’д̇и.

Evaṃ nindāpasaṃsāsu, na samiñjanti paṇḍitā’ti.

‘‘буна жабарам̣, махаарааж̇а, баб̣б̣ад̇о т̇ад̣̇д̇хо на гзнажи сам̣садто, звамзва ко, махаарааж̇а, яог̇инаа яог̇ааважарзна т̇ад̣̇д̇хзна асам̣садтзна бхавид̇аб̣б̣ам̣, на гзнажи сам̣саг̇г̇о гаран̣ийяо. ид̣̇ам̣, махаарааж̇а, баб̣б̣ад̇асса д̣̇уд̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна –

‘‘Puna caparaṃ, mahārāja, pabbato thaddho na kenaci saṃsaṭṭho, evameva kho, mahārāja, yoginā yogāvacarena thaddhena asaṃsaṭṭhena bhavitabbaṃ, na kenaci saṃsaggo karaṇīyo. Idaṃ, mahārāja, pabbatassa dutiyaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –

‘‘‘асам̣садтам̣ г̇ахадтзхи, анааг̇аарзхи жуубхаяам̣;

‘‘‘Asaṃsaṭṭhaṃ gahaṭṭhehi, anāgārehi cūbhayaṃ;

аногасааримаббижчам̣, д̇амахам̣ б̣рууми б̣раахман̣а’нд̇и.

Anokasārimappicchaṃ, tamahaṃ brūmi brāhmaṇa’nti.

‘‘буна жабарам̣, махаарааж̇а, баб̣б̣ад̇з б̣ийж̇ам̣ на вируухад̇и, звамзва ко, махаарааж̇а, яог̇инаа яог̇ааважарзна сагамаанасз гилзсаа на вируухаабзд̇аб̣б̣аа. ид̣̇ам̣, махаарааж̇а, баб̣б̣ад̇асса д̇ад̇ияам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, т̇зрзна субхууд̇инаа –

‘‘Puna caparaṃ, mahārāja, pabbate bījaṃ na virūhati, evameva kho, mahārāja, yoginā yogāvacarena sakamānase kilesā na virūhāpetabbā. Idaṃ, mahārāja, pabbatassa tatiyaṃ aṅgaṃ gahetabbaṃ. Bhāsitampetaṃ, mahārāja, therena subhūtinā –

‘‘‘рааг̇уубасам̣хид̇ам̣ жид̇д̇ам̣, яад̣̇аа уббаж̇ж̇ад̇з мама;

‘‘‘Rāgūpasaṃhitaṃ cittaṃ, yadā uppajjate mama;

саяам̣ва бажжавзгкаами ⁵, згаг̇г̇о ⁶ д̇ам̣ д̣̇амзмахам̣.

Sayaṃva paccavekkhāmi ⁷, ekaggo ⁸ taṃ damemahaṃ.

‘‘‘раж̇ж̇асз ⁹ раж̇анийяз жа, д̣̇уссанийяз жа д̣̇уссасз;

‘‘‘Rajjase ¹⁰ rajanīye ca, dussanīye ca dussase;

муяхасз ¹¹ моханийяз жа, нигкамассу ванаа д̇увам̣.

Muyhase ¹² mohanīye ca, nikkhamassu vanā tuvaṃ.

‘‘‘висуд̣̇д̇хаанам̣ аяам̣ ваасо, ниммалаанам̣ д̇абассинам̣;

‘‘‘Visuddhānaṃ ayaṃ vāso, nimmalānaṃ tapassinaṃ;

маа ко висуд̣̇д̇хам̣ д̣̇уусзси, нигкамассу ванаа д̇ува’нд̇и.

Mā kho visuddhaṃ dūsesi, nikkhamassu vanā tuva’nti.

‘‘буна жабарам̣, махаарааж̇а, баб̣б̣ад̇о ажжуг̇г̇ад̇о, звамзва ко, махаарааж̇а, яог̇инаа яог̇ааважарзна н̃аан̣ажжуг̇г̇ад̇зна бхавид̇аб̣б̣ам̣. ид̣̇ам̣, махаарааж̇а, баб̣б̣ад̇асса жад̇уд̇т̇ам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна –

‘‘Puna caparaṃ, mahārāja, pabbato accuggato, evameva kho, mahārāja, yoginā yogāvacarena ñāṇaccuggatena bhavitabbaṃ. Idaṃ, mahārāja, pabbatassa catutthaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena –

‘‘‘бамаад̣̇ам̣ аббамаад̣̇зна, яад̣̇аа нуд̣̇ад̇и бан̣д̣ид̇о;

‘‘‘Pamādaṃ appamādena, yadā nudati paṇḍito;

бан̃н̃аабаасаад̣̇амааруяха, асого согиним̣ баж̇ам̣;

Paññāpāsādamāruyha, asoko sokiniṃ pajaṃ;

баб̣б̣ад̇адтова бхуумадтз ¹³, д̇хийро б̣аалз авзгкад̇ий’д̇и.

Pabbataṭṭhova bhūmaṭṭhe ¹⁴, dhīro bāle avekkhatī’ti.

‘‘буна жабарам̣, махаарааж̇а, баб̣б̣ад̇о ануннад̇о анонад̇о, звамзва ко, махаарааж̇а, яог̇инаа яог̇ааважарзна уннад̇ааванад̇и на гаран̣ийяаа. ид̣̇ам̣, махаарааж̇а, баб̣б̣ад̇асса бан̃жамам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, убаасигааяа жуул̣асубхад̣̇д̣̇ааяа сагасаман̣з баригид̇д̇аяамаанааяа –

‘‘Puna caparaṃ, mahārāja, pabbato anunnato anonato, evameva kho, mahārāja, yoginā yogāvacarena unnatāvanati na karaṇīyā. Idaṃ, mahārāja, pabbatassa pañcamaṃ aṅgaṃ gahetabbaṃ. Bhāsitampetaṃ, mahārāja, upāsikāya cūḷasubhaddāya sakasamaṇe parikittayamānāya –

‘‘‘лаабхзна уннад̇о лого, алаабхзна жа онад̇о;

‘‘‘Lābhena unnato loko, alābhena ca onato;

лаабхаалаабхзна згад̇т̇аа ¹⁵, д̇аад̣̇исаа саман̣аа мамаа’’’д̇и.

Lābhālābhena ekatthā ¹⁶, tādisā samaṇā mamā’’’ti.

баб̣б̣ад̇ан̇г̇абан̃хо бан̃жамо.

Pabbataṅgapañho pañcamo.

Next: 6. аагаасан̇г̇абан̃хо • 6. Ākāsaṅgapañho

Footnotes:

1. агамбияо (сий. бий.)

2. akampiyo (sī. pī.)

3. згаг̇гхано (га.) д̇ха. ба. 81 д̇хаммабад̣̇з

4. ekagghano (ka.) dha. pa. 81 dhammapade

5. бажжавзгкид̇ваа (саб̣б̣ад̇т̇а)

6. згаго (саб̣б̣ад̇т̇а)

7. paccavekkhitvā (sabbattha)

8. ekako (sabbattha)

9. раж̇ж̇аси (сий.), ран̃ж̇аси (бий.)

10. rajjasi (sī.), rañjasi (pī.)

11. муяхаси (сий.)

12. muyhasi (sī.)

13. бхуммадтз (сий. бий.)

14. bhummaṭṭhe (sī. pī.)

15. згадтаа (сий. бий.)

16. ekaṭṭhā (sī. pī.)

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact