| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੫੧. ਪਬ੍ਬਾਜਨੀਯਕਮ੍ਮਪਟਿਪ੍ਪਸ੍ਸਦ੍ਧਿਕਥਾ
251. Pabbājanīyakammapaṭippassaddhikathā
੪੨੪. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ , ਨੇਤ੍ਥਾਰਂ વਤ੍ਤਤਿ, ਪਬ੍ਬਾਜਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਪਬ੍ਬਾਜਨੀਯਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਹਨ੍ਦਸ੍ਸ ਮਯਂ ਪਬ੍ਬਾਜਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਮਾ’’ਤਿ। ਤੇ ਤਸ੍ਸ ਪਬ੍ਬਾਜਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਨ੍ਤਿ – ਅਧਮ੍ਮੇਨ વਗ੍ਗਾ। ਸੋ ਤਮ੍ਹਾ ਆવਾਸਾ ਅਞ੍ਞਂ ਆવਾਸਂ ਗਚ੍ਛਤਿ। ਤਤ੍ਥਪਿ ਭਿਕ੍ਖੂਨਂ ਏવਂ ਹੋਤਿ – ‘‘ਇਮਸ੍ਸ ਖੋ, ਆવੁਸੋ, ਭਿਕ੍ਖੁਨੋ ਸਙ੍ਘੇਨ ਪਬ੍ਬਾਜਨੀਯਕਮ੍ਮਂ ਪਟਿਪ੍ਪਸ੍ਸਦ੍ਧਂ ਅਧਮ੍ਮੇਨ વਗ੍ਗੇਹਿ। ਹਨ੍ਦਸ੍ਸ ਮਯਂ ਪਬ੍ਬਾਜਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਮਾ’’ਤਿ। ਤੇ ਤਸ੍ਸ ਪਬ੍ਬਾਜਨੀਯਕਮ੍ਮਂ ਪਟਿਪ੍ਪਸ੍ਸਮ੍ਭੇਨ੍ਤਿ – ਅਧਮ੍ਮੇਨ ਸਮਗ੍ਗਾ…ਪੇ॰… ਧਮ੍ਮੇਨ વਗ੍ਗਾ… ਧਮ੍ਮਪਤਿਰੂਪਕੇਨ વਗ੍ਗਾ… ਧਮ੍ਮਪਤਿਰੂਪਕੇਨ ਸਮਗ੍ਗਾ…ਪੇ॰…।
424. Idha pana, bhikkhave, bhikkhu saṅghena pabbājanīyakammakato sammā vattati, lomaṃ pāteti , netthāraṃ vattati, pabbājanīyassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato sammā vattati, lomaṃ pāteti, netthāraṃ vattati, pabbājanīyassa kammassa paṭippassaddhiṃ yācati. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘imassa kho, āvuso, bhikkhuno saṅghena pabbājanīyakammaṃ paṭippassaddhaṃ adhammena vaggehi. Handassa mayaṃ pabbājanīyakammaṃ paṭippassambhemā’’ti. Te tassa pabbājanīyakammaṃ paṭippassambhenti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ਚਕ੍ਕਂ ਕਾਤਬ੍ਬਂ।
Cakkaṃ kātabbaṃ.
ਪਬ੍ਬਾਜਨੀਯਕਮ੍ਮਪਟਿਪ੍ਪਸ੍ਸਦ੍ਧਿਕਥਾ ਨਿਟ੍ਠਿਤਾ।
Pabbājanīyakammapaṭippassaddhikathā niṭṭhitā.
