| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൨൪൪. പബ്ബാജനീയകമ്മകഥാ
244. Pabbājanīyakammakathā
൪൧൩. ഇധ പന, ഭിക്ഖവേ, ഭിക്ഖു കുലദൂസകോ ഹോതി പാപസമാചാരോ. തത്ര ചേ ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു കുലദൂസകോ പാപസമാചാരോ. ഹന്ദസ്സ മയം പബ്ബാജനീയകമ്മം കരോമാ’’തി. തേ തസ്സ പബ്ബാജനീയകമ്മം കരോന്തി – അധമ്മേന വഗ്ഗാ. സോ തമ്ഹാ ആവാസാ അഞ്ഞം ആവാസം ഗച്ഛതി. തത്ഥപി ഭിക്ഖൂനം ഏവം ഹോതി – ‘‘അയം ഖോ, ആവുസോ, ഭിക്ഖു സങ്ഘേന പബ്ബാജനീയകമ്മകതോ അധമ്മേന വഗ്ഗേഹി. ഹന്ദസ്സ മയം പബ്ബാജനീയകമ്മം കരോമാ’’തി. തേ തസ്സ പബ്ബാജനീയകമ്മം കരോന്തി – അധമ്മേന സമഗ്ഗാ…പേ॰… ധമ്മേന വഗ്ഗാ… ധമ്മപതിരൂപകേന വഗ്ഗാ… ധമ്മപതിരൂപകേന സമഗ്ഗാ…പേ॰….
413. Idha pana, bhikkhave, bhikkhu kuladūsako hoti pāpasamācāro. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu kuladūsako pāpasamācāro. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato adhammena vaggehi. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ചക്കം കാതബ്ബം .
Cakkaṃ kātabbaṃ .
പബ്ബാജനീയകമ്മകതാ നിട്ഠിതാ.
Pabbājanīyakammakatā niṭṭhitā.
