| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒ-ཨཊྛཀཐཱ • Cūḷavagga-aṭṭhakathā |
པབྦཱཛནཱིཡཀམྨཀཐཱ
Pabbājanīyakammakathā
༢༡. ཨསྶཛིཔུནབྦསུཀཝཏྠུ སངྒྷཱདིསེསཝཎྞནཱཡཾ ཝུཏྟཾ།
21. Assajipunabbasukavatthu saṅghādisesavaṇṇanāyaṃ vuttaṃ.
༢༧. ཀཱཡིཀེན དཝེནཱཏིཨཱདཱིསུ པནེཏྠ ཀཱཡིཀོ དཝོ ནཱམ ཀཱཡཀཱིལཱ༹ ཝུཙྩཏི། སེསཔདདྭཡེཔི ཨེསེཝ ནཡོ། ཀཱཡིཀོ ཨནཱཙཱརོ ནཱམ ཀཱཡདྭཱརེ པཉྙཏྟསིཀྑཱཔདཝཱིཏིཀྐམོ ཝུཙྩཏི ། སེསདྭཡེཔི ཨེསེཝ ནཡོ། ཀཱཡིཀཾ ཨུཔགྷཱཏིཀཾ ནཱམ ཀཱཡདྭཱརེ པཉྙཏྟསིཀྑཱཔདསྶ ཨསིཀྑནབྷཱཝེན ཨུཔཧནནཾ ཝུཙྩཏི; ནཱསནཾ ཝིནཱསནནྟི ཨཏྠོ། སེསདྭཡེཔི ཨེསེཝ ནཡོ། ཀཱཡིཀོ མིཙྪཱཛཱིཝོ ནཱམ པཊིཀྑིཏྟཝེཛྫཀམྨཱདིཝསེན ཏེལཔཙནཨརིཊྛཔཙནཱདཱིནི། ཝཱཙསིཀོ མིཙྪཱཛཱིཝོ ནཱམ གིཧཱིནཾ སཱསནསམྤཊིཙྪནཱརོཙནཱདཱིནི། ཀཱཡིཀཝཱཙསིཀོ ནཱམ ཏདུབྷཡཾ། སེསཾ ཏཛྫནཱིཡེ ཝུཏྟནཡམེཝ།
27.Kāyikena davenātiādīsu panettha kāyiko davo nāma kāyakīḷā vuccati. Sesapadadvayepi eseva nayo. Kāyiko anācāro nāma kāyadvāre paññattasikkhāpadavītikkamo vuccati . Sesadvayepi eseva nayo. Kāyikaṃ upaghātikaṃ nāma kāyadvāre paññattasikkhāpadassa asikkhanabhāvena upahananaṃ vuccati; nāsanaṃ vināsananti attho. Sesadvayepi eseva nayo. Kāyiko micchājīvo nāma paṭikkhittavejjakammādivasena telapacanaariṭṭhapacanādīni. Vācasiko micchājīvo nāma gihīnaṃ sāsanasampaṭicchanārocanādīni. Kāyikavācasiko nāma tadubhayaṃ. Sesaṃ tajjanīye vuttanayameva.
པབྦཱཛནཱིཡཀམྨཀཐཱ ནིཊྛིཏཱ།
Pabbājanīyakammakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / ཙཱུལ༹ཝགྒཔཱལི༹ • Cūḷavaggapāḷi
༣. པབྦཱཛནཱིཡཀམྨཾ • 3. Pabbājanīyakammaṃ
ཨཱཀངྑམཱནཙུདྡསཀཾ • Ākaṅkhamānacuddasakaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨདྷམྨཀམྨདྭཱདསཀཀཐཱཝཎྞནཱ • Adhammakammadvādasakakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ནིཡསྶཀམྨཀཐཱདིཝཎྞནཱ • Niyassakammakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣. པབྦཱཛནཱིཡཀམྨཀཐཱ • 3. Pabbājanīyakammakathā
