| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗಪಾಳಿ • Mahāvaggapāḷi |
೨೪೪. ಪಬ್ಬಾಜನೀಯಕಮ್ಮಕಥಾ
244. Pabbājanīyakammakathā
೪೧೩. ಇಧ ಪನ, ಭಿಕ್ಖವೇ, ಭಿಕ್ಖು ಕುಲದೂಸಕೋ ಹೋತಿ ಪಾಪಸಮಾಚಾರೋ। ತತ್ರ ಚೇ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ಕುಲದೂಸಕೋ ಪಾಪಸಮಾಚಾರೋ। ಹನ್ದಸ್ಸ ಮಯಂ ಪಬ್ಬಾಜನೀಯಕಮ್ಮಂ ಕರೋಮಾ’’ತಿ। ತೇ ತಸ್ಸ ಪಬ್ಬಾಜನೀಯಕಮ್ಮಂ ಕರೋನ್ತಿ – ಅಧಮ್ಮೇನ ವಗ್ಗಾ। ಸೋ ತಮ್ಹಾ ಆವಾಸಾ ಅಞ್ಞಂ ಆವಾಸಂ ಗಚ್ಛತಿ। ತತ್ಥಪಿ ಭಿಕ್ಖೂನಂ ಏವಂ ಹೋತಿ – ‘‘ಅಯಂ ಖೋ, ಆವುಸೋ, ಭಿಕ್ಖು ಸಙ್ಘೇನ ಪಬ್ಬಾಜನೀಯಕಮ್ಮಕತೋ ಅಧಮ್ಮೇನ ವಗ್ಗೇಹಿ। ಹನ್ದಸ್ಸ ಮಯಂ ಪಬ್ಬಾಜನೀಯಕಮ್ಮಂ ಕರೋಮಾ’’ತಿ। ತೇ ತಸ್ಸ ಪಬ್ಬಾಜನೀಯಕಮ್ಮಂ ಕರೋನ್ತಿ – ಅಧಮ್ಮೇನ ಸಮಗ್ಗಾ…ಪೇ॰… ಧಮ್ಮೇನ ವಗ್ಗಾ… ಧಮ್ಮಪತಿರೂಪಕೇನ ವಗ್ಗಾ… ಧಮ್ಮಪತಿರೂಪಕೇನ ಸಮಗ್ಗಾ…ಪೇ॰…।
413. Idha pana, bhikkhave, bhikkhu kuladūsako hoti pāpasamācāro. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu kuladūsako pāpasamācāro. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato adhammena vaggehi. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ಚಕ್ಕಂ ಕಾತಬ್ಬಂ ।
Cakkaṃ kātabbaṃ .
ಪಬ್ಬಾಜನೀಯಕಮ್ಮಕತಾ ನಿಟ್ಠಿತಾ।
Pabbājanīyakammakatā niṭṭhitā.
