| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
244. баб̣б̣ааж̇анийяагаммагат̇аа
244. Pabbājanīyakammakathā
413. ид̇ха бана, бхигкавз, бхигку гулад̣̇уусаго ход̇и баабасамаажааро. д̇ад̇ра жз бхигкуунам̣ звам̣ ход̇и – ‘‘аяам̣ ко, аавусо, бхигку гулад̣̇уусаго баабасамаажааро. ханд̣̇асса маяам̣ баб̣б̣ааж̇анийяагаммам̣ гаромаа’’д̇и. д̇з д̇асса баб̣б̣ааж̇анийяагаммам̣ гаронд̇и – ад̇хаммзна ваг̇г̇аа. со д̇амхаа ааваасаа ан̃н̃ам̣ ааваасам̣ г̇ажчад̇и. д̇ад̇т̇аби бхигкуунам̣ звам̣ ход̇и – ‘‘аяам̣ ко, аавусо, бхигку сан̇гхзна баб̣б̣ааж̇анийяагаммагад̇о ад̇хаммзна ваг̇г̇зхи. ханд̣̇асса маяам̣ баб̣б̣ааж̇анийяагаммам̣ гаромаа’’д̇и. д̇з д̇асса баб̣б̣ааж̇анийяагаммам̣ гаронд̇и – ад̇хаммзна самаг̇г̇аа…бз… д̇хаммзна ваг̇г̇аа… д̇хаммабад̇ируубагзна ваг̇г̇аа… д̇хаммабад̇ируубагзна самаг̇г̇аа…бз….
413. Idha pana, bhikkhave, bhikkhu kuladūsako hoti pāpasamācāro. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu kuladūsako pāpasamācāro. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato adhammena vaggehi. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
жаггам̣ гаад̇аб̣б̣ам̣ .
Cakkaṃ kātabbaṃ .
баб̣б̣ааж̇анийяагаммагад̇аа нидтид̇аа.
Pabbājanīyakammakatā niṭṭhitā.
