| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
៦. ឱបម្មកថាបញ្ហោ
6. Opammakathāpañho
មាតិកា
Mātikā
ភន្តេ នាគសេន, កតិហង្គេហិ សមន្នាគតោ ភិក្ខុ អរហត្តំ សច្ឆិករោតីតិ?
Bhante nāgasena, katihaṅgehi samannāgato bhikkhu arahattaṃ sacchikarotīti?
ឥធ, មហារាជ, អរហត្តំ សច្ឆិកាតុកាមេន ភិក្ខុនា –
Idha, mahārāja, arahattaṃ sacchikātukāmena bhikkhunā –
កុក្កុដស្ស បញ្ច អង្គានិ គហេតព្ពានិ។
Kukkuṭassa pañca aṅgāni gahetabbāni.
កលន្ទកស្ស ឯកំ អង្គំ គហេតព្ពំ។
Kalandakassa ekaṃ aṅgaṃ gahetabbaṃ.
ទីបិនិយា ឯកំ អង្គំ គហេតព្ពំ។
Dīpiniyā ekaṃ aṅgaṃ gahetabbaṃ.
ទីបិកស្ស ទ្វេ អង្គានិ គហេតព្ពានិ។
Dīpikassa dve aṅgāni gahetabbāni.
កុម្មស្ស បញ្ច អង្គានិ គហេតព្ពានិ។
Kummassa pañca aṅgāni gahetabbāni.
វំសស្ស ឯកំ អង្គំ គហេតព្ពំ។
Vaṃsassa ekaṃ aṅgaṃ gahetabbaṃ.
ចាបស្ស ឯកំ អង្គំ គហេតព្ពំ។
Cāpassa ekaṃ aṅgaṃ gahetabbaṃ.
វាយសស្ស ទ្វេ អង្គានិ គហេតព្ពានិ។
Vāyasassa dve aṅgāni gahetabbāni.
មក្កដស្ស ទ្វេ អង្គានិ គហេតព្ពានិ។
Makkaṭassa dve aṅgāni gahetabbāni.
គទ្រភវគ្គោ បឋមោ។
Gadrabhavaggo paṭhamo.
លាពុលតាយ ឯកំ អង្គំ គហេតព្ពំ។
Lābulatāya ekaṃ aṅgaṃ gahetabbaṃ.
បទុមស្ស តីណិ អង្គានិ គហេតព្ពានិ។
Padumassa tīṇi aṅgāni gahetabbāni.
ពីជស្ស ទ្វេ អង្គានិ គហេតព្ពានិ។
Bījassa dve aṅgāni gahetabbāni.
សាលកល្យាណិកាយ ឯកំ អង្គំ គហេតព្ពំ។
Sālakalyāṇikāya ekaṃ aṅgaṃ gahetabbaṃ.
នាវាយ តីណិ អង្គានិ គហេតព្ពានិ។
Nāvāya tīṇi aṅgāni gahetabbāni.
និយាមកស្ស តីណិ អង្គានិ គហេតព្ពានិ។
Niyāmakassa tīṇi aṅgāni gahetabbāni.
កម្មការស្ស ឯកំ អង្គំ គហេតព្ពំ។
Kammakārassa ekaṃ aṅgaṃ gahetabbaṃ.
សមុទ្ទស្ស បញ្ច អង្គានិ គហេតព្ពានិ។
Samuddassa pañca aṅgāni gahetabbāni.
សមុទ្ទវគ្គោ ទុតិយោ។
Samuddavaggo dutiyo.
បថវិយា បញ្ច អង្គានិ គហេតព្ពានិ។
Pathaviyā pañca aṅgāni gahetabbāni.
អាបស្ស បញ្ច អង្គានិ គហេតព្ពានិ។
Āpassa pañca aṅgāni gahetabbāni.
តេជស្ស បញ្ច អង្គានិ គហេតព្ពានិ។
Tejassa pañca aṅgāni gahetabbāni.
វាយុស្ស បញ្ច អង្គានិ គហេតព្ពានិ។
Vāyussa pañca aṅgāni gahetabbāni.
បព្ពតស្ស បញ្ច អង្គានិ គហេតព្ពានិ។
Pabbatassa pañca aṅgāni gahetabbāni.
អាកាសស្ស បញ្ច អង្គានិ គហេតព្ពានិ។
Ākāsassa pañca aṅgāni gahetabbāni.
ចន្ទស្ស បញ្ច អង្គានិ គហេតព្ពានិ។
Candassa pañca aṅgāni gahetabbāni.
សូរិយស្ស សត្ត អង្គានិ គហេតព្ពានិ។
Sūriyassa satta aṅgāni gahetabbāni.
សក្កស្ស តីណិ អង្គានិ គហេតព្ពានិ។
Sakkassa tīṇi aṅgāni gahetabbāni.
ចក្កវត្តិស្ស ចត្តារិ អង្គានិ គហេតព្ពានិ។
Cakkavattissa cattāri aṅgāni gahetabbāni.
បថវីវគ្គោ តតិយោ។
Pathavīvaggo tatiyo.
ឧបចិកាយ ឯកំ អង្គំ គហេតព្ពំ។
Upacikāya ekaṃ aṅgaṃ gahetabbaṃ.
ពិឡារស្ស ទ្វេ អង្គានិ គហេតព្ពានិ។
Biḷārassa dve aṅgāni gahetabbāni.
ឧន្ទូរស្ស ឯកំ អង្គំ គហេតព្ពំ។
Undūrassa ekaṃ aṅgaṃ gahetabbaṃ.
វិច្ឆិកស្ស ឯកំ អង្គំ គហេតព្ពំ។
Vicchikassa ekaṃ aṅgaṃ gahetabbaṃ.
នកុលស្ស ឯកំ អង្គំ គហេតព្ពំ។
Nakulassa ekaṃ aṅgaṃ gahetabbaṃ.
ជរសិង្គាលស្ស ទ្វេ អង្គានិ គហេតព្ពានិ។
Jarasiṅgālassa dve aṅgāni gahetabbāni.
មិគស្ស តីណិ អង្គានិ គហេតព្ពានិ។
Migassa tīṇi aṅgāni gahetabbāni.
គោរូបស្ស ចត្តារិ អង្គានិ គហេតព្ពានិ។
Gorūpassa cattāri aṅgāni gahetabbāni.
វរាហស្ស ទ្វេ អង្គានិ គហេតព្ពានិ។
Varāhassa dve aṅgāni gahetabbāni.
ហត្ថិស្ស បញ្ច អង្គានិ គហេតព្ពានិ។
Hatthissa pañca aṅgāni gahetabbāni.
ឧបចិកាវគ្គោ ចតុត្ថោ។
Upacikāvaggo catuttho.
សីហស្ស សត្ត អង្គានិ គហេតព្ពានិ។
Sīhassa satta aṅgāni gahetabbāni.
ចក្កវាកស្ស តីណិ អង្គានិ គហេតព្ពានិ។
Cakkavākassa tīṇi aṅgāni gahetabbāni.
បេណាហិកាយ ទ្វេ អង្គានិ គហេតព្ពានិ។
Peṇāhikāya dve aṅgāni gahetabbāni.
ឃរកបោតស្ស ឯកំ អង្គំ គហេតព្ពំ។
Gharakapotassa ekaṃ aṅgaṃ gahetabbaṃ.
ឧលូកស្ស ទ្វេ អង្គានិ គហេតព្ពានិ។
Ulūkassa dve aṅgāni gahetabbāni.
សតបត្តស្ស ឯកំ អង្គំ គហេតព្ពំ។
Satapattassa ekaṃ aṅgaṃ gahetabbaṃ.
វគ្គុលិស្ស ទ្វេ អង្គានិ គហេតព្ពានិ។
Vaggulissa dve aṅgāni gahetabbāni.
ជលូកាយ ឯកំ អង្គំ គហេតព្ពំ។
Jalūkāya ekaṃ aṅgaṃ gahetabbaṃ.
សប្បស្ស តីណិ អង្គានិ គហេតព្ពានិ។
Sappassa tīṇi aṅgāni gahetabbāni.
អជគរស្ស ឯកំ អង្គំ គហេតព្ពំ។
Ajagarassa ekaṃ aṅgaṃ gahetabbaṃ.
សីហវគ្គោ បញ្ចមោ។
Sīhavaggo pañcamo.
បន្ថមក្កដកស្ស ឯកំ អង្គំ គហេតព្ពំ។
Panthamakkaṭakassa ekaṃ aṅgaṃ gahetabbaṃ.
បវនស្ស បញ្ច អង្គានិ គហេតព្ពានិ។
Pavanassa pañca aṅgāni gahetabbāni.
រុក្ខស្ស តីណិ អង្គានិ គហេតព្ពានិ។
Rukkhassa tīṇi aṅgāni gahetabbāni.
មេឃស្ស បញ្ច អង្គានិ គហេតព្ពានិ។
Meghassa pañca aṅgāni gahetabbāni.
មណិរតនស្ស តីណិ អង្គានិ គហេតព្ពានិ។
Maṇiratanassa tīṇi aṅgāni gahetabbāni.
មាគវិកស្ស ចត្តារិ អង្គានិ គហេតព្ពានិ។
Māgavikassa cattāri aṅgāni gahetabbāni.
ពាឡិសិកស្ស ទ្វេ អង្គានិ គហេតព្ពានិ។
Bāḷisikassa dve aṅgāni gahetabbāni.
តច្ឆកស្ស ទ្វេ អង្គានិ គហេតព្ពានិ។
Tacchakassa dve aṅgāni gahetabbāni.
មក្កដវគ្គោ ឆដ្ឋោ។
Makkaṭavaggo chaṭṭho.
កុម្ភស្ស ឯកំ អង្គំ គហេតព្ពំ។
Kumbhassa ekaṃ aṅgaṃ gahetabbaṃ.
ឆត្តស្ស តីណិ អង្គានិ គហេតព្ពានិ។
Chattassa tīṇi aṅgāni gahetabbāni.
ខេត្តស្ស តីណិ អង្គានិ គហេតព្ពានិ។
Khettassa tīṇi aṅgāni gahetabbāni.
អគទស្ស ទ្វេ អង្គានិ គហេតព្ពានិ។
Agadassa dve aṅgāni gahetabbāni.
ភោជនស្ស តីណិ អង្គានិ គហេតព្ពានិ។
Bhojanassa tīṇi aṅgāni gahetabbāni.
ឥស្សាសស្ស ចត្តារិ អង្គានិ គហេតព្ពានិ។
Issāsassa cattāri aṅgāni gahetabbāni.
កុម្ភវគ្គោ សត្តមោ។
Kumbhavaggo sattamo.
រញ្ញោ ចត្តារិ អង្គានិ គហេតព្ពានិ។
Rañño cattāri aṅgāni gahetabbāni.
ទោវារិកស្ស ទ្វេ អង្គានិ គហេតព្ពានិ។
Dovārikassa dve aṅgāni gahetabbāni.
និសទាយ ឯកំ អង្គំ គហេតព្ពំ។
Nisadāya ekaṃ aṅgaṃ gahetabbaṃ.
បទីបស្ស ទ្វេ អង្គានិ គហេតព្ពានិ។
Padīpassa dve aṅgāni gahetabbāni.
មយូរស្ស ទ្វេ អង្គានិ គហេតព្ពានិ។
Mayūrassa dve aṅgāni gahetabbāni.
តុរង្គស្ស ទ្វេ អង្គានិ គហេតព្ពានិ។
Turaṅgassa dve aṅgāni gahetabbāni.
សោណ្ឌិកស្ស ទ្វេ អង្គានិ គហេតព្ពានិ។
Soṇḍikassa dve aṅgāni gahetabbāni.
ឥន្ទខីលស្ស ទ្វេ អង្គានិ គហេតព្ពានិ។
Indakhīlassa dve aṅgāni gahetabbāni.
តុលាយ ឯកំ អង្គំ គហេតព្ពំ។
Tulāya ekaṃ aṅgaṃ gahetabbaṃ.
ខគ្គស្ស ទ្វេ អង្គានិ គហេតព្ពានិ។
Khaggassa dve aṅgāni gahetabbāni.
មច្ឆស្ស ទ្វេ អង្គានិ គហេតព្ពានិ។
Macchassa dve aṅgāni gahetabbāni.
ឥណគ្គាហកស្ស ឯកំ អង្គំ គហេតព្ពំ។
Iṇaggāhakassa ekaṃ aṅgaṃ gahetabbaṃ.
ព្យាធិតស្ស ទ្វេ អង្គានិ គហេតព្ពានិ។
Byādhitassa dve aṅgāni gahetabbāni.
មតស្ស ទ្វេ អង្គានិ គហេតព្ពានិ។
Matassa dve aṅgāni gahetabbāni.
នទិយា ទ្វេ អង្គានិ គហេតព្ពានិ។
Nadiyā dve aṅgāni gahetabbāni.
ឧសភស្ស ឯកំ អង្គំ គហេតព្ពំ។
Usabhassa ekaṃ aṅgaṃ gahetabbaṃ.
មគ្គស្ស ទ្វេ អង្គានិ គហេតព្ពានិ។
Maggassa dve aṅgāni gahetabbāni.
សុង្កសាយិកស្ស ឯកំ អង្គំ គហេតព្ពំ។
Suṅkasāyikassa ekaṃ aṅgaṃ gahetabbaṃ.
ចោរស្ស តីណិ អង្គានិ គហេតព្ពានិ។
Corassa tīṇi aṅgāni gahetabbāni.
សកុណគ្ឃិយា ឯកំ អង្គំ គហេតព្ពំ។
Sakuṇagghiyā ekaṃ aṅgaṃ gahetabbaṃ.
សុនខស្ស ឯកំ អង្គំ គហេតព្ពំ។
Sunakhassa ekaṃ aṅgaṃ gahetabbaṃ.
តិកិច្ឆកស្ស តីណិ អង្គានិ គហេតព្ពានិ។
Tikicchakassa tīṇi aṅgāni gahetabbāni.
គព្ភិនិយា ទ្វេ អង្គានិ គហេតព្ពានិ។
Gabbhiniyā dve aṅgāni gahetabbāni.
ចមរិយា ឯកំ អង្គំ គហេតព្ពំ។
Camariyā ekaṃ aṅgaṃ gahetabbaṃ.
កិកិយា ទ្វេ អង្គានិ គហេតព្ពានិ។
Kikiyā dve aṅgāni gahetabbāni.
កបោតិកាយ តីណិ អង្គានិ គហេតព្ពានិ។
Kapotikāya tīṇi aṅgāni gahetabbāni.
ឯកនយនស្ស ទ្វេ អង្គានិ គហេតព្ពានិ។
Ekanayanassa dve aṅgāni gahetabbāni.
កស្សកស្ស តីណិ អង្គានិ គហេតព្ពានិ។
Kassakassa tīṇi aṅgāni gahetabbāni.
ជម្ពុកសិង្គាលិយា ឯកំ អង្គំ គហេតព្ពំ។
Jambukasiṅgāliyā ekaṃ aṅgaṃ gahetabbaṃ.
ចង្គវារកស្ស ទ្វេ អង្គានិ គហេតព្ពានិ។
Caṅgavārakassa dve aṅgāni gahetabbāni.
ទព្ពិយា ឯកំ អង្គំ គហេតព្ពំ។
Dabbiyā ekaṃ aṅgaṃ gahetabbaṃ.
ឥណសាធកស្ស តីណិ អង្គានិ គហេតព្ពានិ។
Iṇasādhakassa tīṇi aṅgāni gahetabbāni.
អនុវិចិនកស្ស ឯកំ អង្គំ គហេតព្ពំ។
Anuvicinakassa ekaṃ aṅgaṃ gahetabbaṃ.
សារថិស្ស ទ្វេ អង្គានិ គហេតព្ពានិ។
Sārathissa dve aṅgāni gahetabbāni.
ភោជកស្ស ទ្វេ អង្គានិ គហេតព្ពានិ។
Bhojakassa dve aṅgāni gahetabbāni.
តុន្នវាយស្ស ឯកំ អង្គំ គហេតព្ពំ។
Tunnavāyassa ekaṃ aṅgaṃ gahetabbaṃ.
នាវិកស្ស ឯកំ អង្គំ គហេតព្ពំ។
Nāvikassa ekaṃ aṅgaṃ gahetabbaṃ.
ភមរស្ស ទ្វេ អង្គានិ គហេតព្ពានីតិ។
Bhamarassa dve aṅgāni gahetabbānīti.
មាតិកា និដ្ឋិតា។
Mātikā niṭṭhitā.
Footnotes:
