| Library / Tipiṭaka / তিপিটক • Tipiṭaka / মিলিন্দপঞ্হপাল়ি • Milindapañhapāḷi |
৬. ওপম্মকথাপঞ্হো
6. Opammakathāpañho
মাতিকা
Mātikā
ভন্তে নাগসেন, কতিহঙ্গেহি সমন্নাগতো ভিক্খু অরহত্তং সচ্ছিকরোতীতি?
Bhante nāgasena, katihaṅgehi samannāgato bhikkhu arahattaṃ sacchikarotīti?
ইধ, মহারাজ, অরহত্তং সচ্ছিকাতুকামেন ভিক্খুনা –
Idha, mahārāja, arahattaṃ sacchikātukāmena bhikkhunā –
কুক্কুটস্স পঞ্চ অঙ্গানি গহেতব্বানি।
Kukkuṭassa pañca aṅgāni gahetabbāni.
কলন্দকস্স একং অঙ্গং গহেতব্বং।
Kalandakassa ekaṃ aṅgaṃ gahetabbaṃ.
দীপিনিযা একং অঙ্গং গহেতব্বং।
Dīpiniyā ekaṃ aṅgaṃ gahetabbaṃ.
দীপিকস্স দ্ৰে অঙ্গানি গহেতব্বানি।
Dīpikassa dve aṅgāni gahetabbāni.
কুম্মস্স পঞ্চ অঙ্গানি গহেতব্বানি।
Kummassa pañca aṅgāni gahetabbāni.
ৰংসস্স একং অঙ্গং গহেতব্বং।
Vaṃsassa ekaṃ aṅgaṃ gahetabbaṃ.
চাপস্স একং অঙ্গং গহেতব্বং।
Cāpassa ekaṃ aṅgaṃ gahetabbaṃ.
ৰাযসস্স দ্ৰে অঙ্গানি গহেতব্বানি।
Vāyasassa dve aṅgāni gahetabbāni.
মক্কটস্স দ্ৰে অঙ্গানি গহেতব্বানি।
Makkaṭassa dve aṅgāni gahetabbāni.
গদ্রভৰগ্গো পঠমো।
Gadrabhavaggo paṭhamo.
লাবুলতায একং অঙ্গং গহেতব্বং।
Lābulatāya ekaṃ aṅgaṃ gahetabbaṃ.
পদুমস্স তীণি অঙ্গানি গহেতব্বানি।
Padumassa tīṇi aṅgāni gahetabbāni.
বীজস্স দ্ৰে অঙ্গানি গহেতব্বানি।
Bījassa dve aṅgāni gahetabbāni.
সালকল্যাণিকায একং অঙ্গং গহেতব্বং।
Sālakalyāṇikāya ekaṃ aṅgaṃ gahetabbaṃ.
নাৰায তীণি অঙ্গানি গহেতব্বানি।
Nāvāya tīṇi aṅgāni gahetabbāni.
নিযামকস্স তীণি অঙ্গানি গহেতব্বানি।
Niyāmakassa tīṇi aṅgāni gahetabbāni.
কম্মকারস্স একং অঙ্গং গহেতব্বং।
Kammakārassa ekaṃ aṅgaṃ gahetabbaṃ.
সমুদ্দস্স পঞ্চ অঙ্গানি গহেতব্বানি।
Samuddassa pañca aṅgāni gahetabbāni.
সমুদ্দৰগ্গো দুতিযো।
Samuddavaggo dutiyo.
পথৰিযা পঞ্চ অঙ্গানি গহেতব্বানি।
Pathaviyā pañca aṅgāni gahetabbāni.
আপস্স পঞ্চ অঙ্গানি গহেতব্বানি।
Āpassa pañca aṅgāni gahetabbāni.
তেজস্স পঞ্চ অঙ্গানি গহেতব্বানি।
Tejassa pañca aṅgāni gahetabbāni.
ৰাযুস্স পঞ্চ অঙ্গানি গহেতব্বানি।
Vāyussa pañca aṅgāni gahetabbāni.
পব্বতস্স পঞ্চ অঙ্গানি গহেতব্বানি।
Pabbatassa pañca aṅgāni gahetabbāni.
আকাসস্স পঞ্চ অঙ্গানি গহেতব্বানি।
Ākāsassa pañca aṅgāni gahetabbāni.
চন্দস্স পঞ্চ অঙ্গানি গহেতব্বানি।
Candassa pañca aṅgāni gahetabbāni.
সূরিযস্স সত্ত অঙ্গানি গহেতব্বানি।
Sūriyassa satta aṅgāni gahetabbāni.
সক্কস্স তীণি অঙ্গানি গহেতব্বানি।
Sakkassa tīṇi aṅgāni gahetabbāni.
চক্কৰত্তিস্স চত্তারি অঙ্গানি গহেতব্বানি।
Cakkavattissa cattāri aṅgāni gahetabbāni.
পথৰীৰগ্গো ততিযো।
Pathavīvaggo tatiyo.
উপচিকায একং অঙ্গং গহেতব্বং।
Upacikāya ekaṃ aṅgaṃ gahetabbaṃ.
বিল়ারস্স দ্ৰে অঙ্গানি গহেতব্বানি।
Biḷārassa dve aṅgāni gahetabbāni.
উন্দূরস্স একং অঙ্গং গহেতব্বং।
Undūrassa ekaṃ aṅgaṃ gahetabbaṃ.
ৰিচ্ছিকস্স একং অঙ্গং গহেতব্বং।
Vicchikassa ekaṃ aṅgaṃ gahetabbaṃ.
নকুলস্স একং অঙ্গং গহেতব্বং।
Nakulassa ekaṃ aṅgaṃ gahetabbaṃ.
জরসিঙ্গালস্স দ্ৰে অঙ্গানি গহেতব্বানি।
Jarasiṅgālassa dve aṅgāni gahetabbāni.
মিগস্স তীণি অঙ্গানি গহেতব্বানি।
Migassa tīṇi aṅgāni gahetabbāni.
গোরূপস্স চত্তারি অঙ্গানি গহেতব্বানি।
Gorūpassa cattāri aṅgāni gahetabbāni.
ৰরাহস্স দ্ৰে অঙ্গানি গহেতব্বানি।
Varāhassa dve aṅgāni gahetabbāni.
হত্থিস্স পঞ্চ অঙ্গানি গহেতব্বানি।
Hatthissa pañca aṅgāni gahetabbāni.
উপচিকাৰগ্গো চতুত্থো।
Upacikāvaggo catuttho.
সীহস্স সত্ত অঙ্গানি গহেতব্বানি।
Sīhassa satta aṅgāni gahetabbāni.
চক্কৰাকস্স তীণি অঙ্গানি গহেতব্বানি।
Cakkavākassa tīṇi aṅgāni gahetabbāni.
পেণাহিকায দ্ৰে অঙ্গানি গহেতব্বানি।
Peṇāhikāya dve aṅgāni gahetabbāni.
ঘরকপোতস্স একং অঙ্গং গহেতব্বং।
Gharakapotassa ekaṃ aṅgaṃ gahetabbaṃ.
উলূকস্স দ্ৰে অঙ্গানি গহেতব্বানি।
Ulūkassa dve aṅgāni gahetabbāni.
সতপত্তস্স একং অঙ্গং গহেতব্বং।
Satapattassa ekaṃ aṅgaṃ gahetabbaṃ.
ৰগ্গুলিস্স দ্ৰে অঙ্গানি গহেতব্বানি।
Vaggulissa dve aṅgāni gahetabbāni.
জলূকায একং অঙ্গং গহেতব্বং।
Jalūkāya ekaṃ aṅgaṃ gahetabbaṃ.
সপ্পস্স তীণি অঙ্গানি গহেতব্বানি।
Sappassa tīṇi aṅgāni gahetabbāni.
অজগরস্স একং অঙ্গং গহেতব্বং।
Ajagarassa ekaṃ aṅgaṃ gahetabbaṃ.
সীহৰগ্গো পঞ্চমো।
Sīhavaggo pañcamo.
পন্থমক্কটকস্স একং অঙ্গং গহেতব্বং।
Panthamakkaṭakassa ekaṃ aṅgaṃ gahetabbaṃ.
পৰনস্স পঞ্চ অঙ্গানি গহেতব্বানি।
Pavanassa pañca aṅgāni gahetabbāni.
রুক্খস্স তীণি অঙ্গানি গহেতব্বানি।
Rukkhassa tīṇi aṅgāni gahetabbāni.
মেঘস্স পঞ্চ অঙ্গানি গহেতব্বানি।
Meghassa pañca aṅgāni gahetabbāni.
মণিরতনস্স তীণি অঙ্গানি গহেতব্বানি।
Maṇiratanassa tīṇi aṅgāni gahetabbāni.
মাগৰিকস্স চত্তারি অঙ্গানি গহেতব্বানি।
Māgavikassa cattāri aṅgāni gahetabbāni.
বাল়িসিকস্স দ্ৰে অঙ্গানি গহেতব্বানি।
Bāḷisikassa dve aṅgāni gahetabbāni.
তচ্ছকস্স দ্ৰে অঙ্গানি গহেতব্বানি।
Tacchakassa dve aṅgāni gahetabbāni.
মক্কটৰগ্গো ছট্ঠো।
Makkaṭavaggo chaṭṭho.
কুম্ভস্স একং অঙ্গং গহেতব্বং।
Kumbhassa ekaṃ aṅgaṃ gahetabbaṃ.
ছত্তস্স তীণি অঙ্গানি গহেতব্বানি।
Chattassa tīṇi aṅgāni gahetabbāni.
খেত্তস্স তীণি অঙ্গানি গহেতব্বানি।
Khettassa tīṇi aṅgāni gahetabbāni.
অগদস্স দ্ৰে অঙ্গানি গহেতব্বানি।
Agadassa dve aṅgāni gahetabbāni.
ভোজনস্স তীণি অঙ্গানি গহেতব্বানি।
Bhojanassa tīṇi aṅgāni gahetabbāni.
ইস্সাসস্স চত্তারি অঙ্গানি গহেতব্বানি।
Issāsassa cattāri aṅgāni gahetabbāni.
কুম্ভৰগ্গো সত্তমো।
Kumbhavaggo sattamo.
রঞ্ঞো চত্তারি অঙ্গানি গহেতব্বানি।
Rañño cattāri aṅgāni gahetabbāni.
দোৰারিকস্স দ্ৰে অঙ্গানি গহেতব্বানি।
Dovārikassa dve aṅgāni gahetabbāni.
নিসদায একং অঙ্গং গহেতব্বং।
Nisadāya ekaṃ aṅgaṃ gahetabbaṃ.
পদীপস্স দ্ৰে অঙ্গানি গহেতব্বানি।
Padīpassa dve aṅgāni gahetabbāni.
মযূরস্স দ্ৰে অঙ্গানি গহেতব্বানি।
Mayūrassa dve aṅgāni gahetabbāni.
তুরঙ্গস্স দ্ৰে অঙ্গানি গহেতব্বানি।
Turaṅgassa dve aṅgāni gahetabbāni.
সোণ্ডিকস্স দ্ৰে অঙ্গানি গহেতব্বানি।
Soṇḍikassa dve aṅgāni gahetabbāni.
ইন্দখীলস্স দ্ৰে অঙ্গানি গহেতব্বানি।
Indakhīlassa dve aṅgāni gahetabbāni.
তুলায একং অঙ্গং গহেতব্বং।
Tulāya ekaṃ aṅgaṃ gahetabbaṃ.
খগ্গস্স দ্ৰে অঙ্গানি গহেতব্বানি।
Khaggassa dve aṅgāni gahetabbāni.
মচ্ছস্স দ্ৰে অঙ্গানি গহেতব্বানি।
Macchassa dve aṅgāni gahetabbāni.
ইণগ্গাহকস্স একং অঙ্গং গহেতব্বং।
Iṇaggāhakassa ekaṃ aṅgaṃ gahetabbaṃ.
ব্যাধিতস্স দ্ৰে অঙ্গানি গহেতব্বানি।
Byādhitassa dve aṅgāni gahetabbāni.
মতস্স দ্ৰে অঙ্গানি গহেতব্বানি।
Matassa dve aṅgāni gahetabbāni.
নদিযা দ্ৰে অঙ্গানি গহেতব্বানি।
Nadiyā dve aṅgāni gahetabbāni.
উসভস্স একং অঙ্গং গহেতব্বং।
Usabhassa ekaṃ aṅgaṃ gahetabbaṃ.
মগ্গস্স দ্ৰে অঙ্গানি গহেতব্বানি।
Maggassa dve aṅgāni gahetabbāni.
সুঙ্কসাযিকস্স একং অঙ্গং গহেতব্বং।
Suṅkasāyikassa ekaṃ aṅgaṃ gahetabbaṃ.
চোরস্স তীণি অঙ্গানি গহেতব্বানি।
Corassa tīṇi aṅgāni gahetabbāni.
সকুণগ্ঘিযা একং অঙ্গং গহেতব্বং।
Sakuṇagghiyā ekaṃ aṅgaṃ gahetabbaṃ.
সুনখস্স একং অঙ্গং গহেতব্বং।
Sunakhassa ekaṃ aṅgaṃ gahetabbaṃ.
তিকিচ্ছকস্স তীণি অঙ্গানি গহেতব্বানি।
Tikicchakassa tīṇi aṅgāni gahetabbāni.
গব্ভিনিযা দ্ৰে অঙ্গানি গহেতব্বানি।
Gabbhiniyā dve aṅgāni gahetabbāni.
চমরিযা একং অঙ্গং গহেতব্বং।
Camariyā ekaṃ aṅgaṃ gahetabbaṃ.
কিকিযা দ্ৰে অঙ্গানি গহেতব্বানি।
Kikiyā dve aṅgāni gahetabbāni.
কপোতিকায তীণি অঙ্গানি গহেতব্বানি।
Kapotikāya tīṇi aṅgāni gahetabbāni.
একনযনস্স দ্ৰে অঙ্গানি গহেতব্বানি।
Ekanayanassa dve aṅgāni gahetabbāni.
কস্সকস্স তীণি অঙ্গানি গহেতব্বানি।
Kassakassa tīṇi aṅgāni gahetabbāni.
জম্বুকসিঙ্গালিযা একং অঙ্গং গহেতব্বং।
Jambukasiṅgāliyā ekaṃ aṅgaṃ gahetabbaṃ.
চঙ্গৰারকস্স দ্ৰে অঙ্গানি গহেতব্বানি।
Caṅgavārakassa dve aṅgāni gahetabbāni.
দব্বিযা একং অঙ্গং গহেতব্বং।
Dabbiyā ekaṃ aṅgaṃ gahetabbaṃ.
ইণসাধকস্স তীণি অঙ্গানি গহেতব্বানি।
Iṇasādhakassa tīṇi aṅgāni gahetabbāni.
অনুৰিচিনকস্স একং অঙ্গং গহেতব্বং।
Anuvicinakassa ekaṃ aṅgaṃ gahetabbaṃ.
সারথিস্স দ্ৰে অঙ্গানি গহেতব্বানি।
Sārathissa dve aṅgāni gahetabbāni.
ভোজকস্স দ্ৰে অঙ্গানি গহেতব্বানি।
Bhojakassa dve aṅgāni gahetabbāni.
তুন্নৰাযস্স একং অঙ্গং গহেতব্বং।
Tunnavāyassa ekaṃ aṅgaṃ gahetabbaṃ.
নাৰিকস্স একং অঙ্গং গহেতব্বং।
Nāvikassa ekaṃ aṅgaṃ gahetabbaṃ.
ভমরস্স দ্ৰে অঙ্গানি গহেতব্বানীতি।
Bhamarassa dve aṅgāni gahetabbānīti.
মাতিকা নিট্ঠিতা।
Mātikā niṭṭhitā.
Footnotes:
