| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਸਂਯੁਤ੍ਤਨਿਕਾਯੋ
Saṃyuttanikāyo
ਸਗਾਥਾવਗ੍ਗੋ
Sagāthāvaggo
੧. ਦੇવਤਾਸਂਯੁਤ੍ਤਂ
1. Devatāsaṃyuttaṃ
੧. ਨਲ਼વਗ੍ਗੋ
1. Naḷavaggo
੧. ਓਘਤਰਣਸੁਤ੍ਤਂ
1. Oghataraṇasuttaṃ
੧. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਅਥ ਖੋ ਅਞ੍ਞਤਰਾ ਦੇવਤਾ ਅਭਿਕ੍ਕਨ੍ਤਾਯ ਰਤ੍ਤਿਯਾ ਅਭਿਕ੍ਕਨ੍ਤવਣ੍ਣਾ ਕੇવਲਕਪ੍ਪਂ ਜੇਤવਨਂ ਓਭਾਸੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਅਟ੍ਠਾਸਿ। ਏਕਮਨ੍ਤਂ ਠਿਤਾ ਖੋ ਸਾ ਦੇવਤਾ ਭਗવਨ੍ਤਂ ਏਤਦવੋਚ – ‘‘‘ਕਥਂ ਨੁ ਤ੍વਂ, ਮਾਰਿਸ, ਓਘਮਤਰੀ’ਤਿ? ‘ਅਪ੍ਪਤਿਟ੍ਠਂ ਖ੍વਾਹਂ, ਆવੁਸੋ, ਅਨਾਯੂਹਂ ਓਘਮਤਰਿ’ਨ੍ਤਿ। ‘ਯਥਾ ਕਥਂ ਪਨ ਤ੍વਂ, ਮਾਰਿਸ, ਅਪ੍ਪਤਿਟ੍ਠਂ ਅਨਾਯੂਹਂ ਓਘਮਤਰੀ’ਤਿ? ‘ਯਦਾਖ੍વਾਹਂ, ਆવੁਸੋ, ਸਨ੍ਤਿਟ੍ਠਾਮਿ ਤਦਾਸ੍ਸੁ ਸਂਸੀਦਾਮਿ ; ਯਦਾਖ੍વਾਹਂ, ਆવੁਸੋ, ਆਯੂਹਾਮਿ ਤਦਾਸ੍ਸੁ ਨਿਬ੍ਬੁਯ੍ਹਾਮਿ 1। ਏવਂ ਖ੍વਾਹਂ, ਆવੁਸੋ, ਅਪ੍ਪਤਿਟ੍ਠਂ ਅਨਾਯੂਹਂ ਓਘਮਤਰਿ’’’ਨ੍ਤਿ।
1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ etadavoca – ‘‘‘kathaṃ nu tvaṃ, mārisa, oghamatarī’ti? ‘Appatiṭṭhaṃ khvāhaṃ, āvuso, anāyūhaṃ oghamatari’nti. ‘Yathā kathaṃ pana tvaṃ, mārisa, appatiṭṭhaṃ anāyūhaṃ oghamatarī’ti? ‘Yadākhvāhaṃ, āvuso, santiṭṭhāmi tadāssu saṃsīdāmi ; yadākhvāhaṃ, āvuso, āyūhāmi tadāssu nibbuyhāmi 2. Evaṃ khvāhaṃ, āvuso, appatiṭṭhaṃ anāyūhaṃ oghamatari’’’nti.
‘‘ਚਿਰਸ੍ਸਂ વਤ ਪਸ੍ਸਾਮਿ, ਬ੍ਰਾਹ੍ਮਣਂ ਪਰਿਨਿਬ੍ਬੁਤਂ।
‘‘Cirassaṃ vata passāmi, brāhmaṇaṃ parinibbutaṃ;
ਅਪ੍ਪਤਿਟ੍ਠਂ ਅਨਾਯੂਹਂ, ਤਿਣ੍ਣਂ ਲੋਕੇ વਿਸਤ੍ਤਿਕ’’ਨ੍ਤਿ॥ –
Appatiṭṭhaṃ anāyūhaṃ, tiṇṇaṃ loke visattika’’nti. –
ਇਦਮવੋਚ ਸਾ ਦੇવਤਾ। ਸਮਨੁਞ੍ਞੋ ਸਤ੍ਥਾ ਅਹੋਸਿ। ਅਥ ਖੋ ਸਾ ਦੇવਤਾ – ‘‘ਸਮਨੁਞ੍ਞੋ ਮੇ ਸਤ੍ਥਾ’’ਤਿ ਭਗવਨ੍ਤਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਤਤ੍ਥੇવਨ੍ਤਰਧਾਯੀਤਿ।
Idamavoca sā devatā. Samanuñño satthā ahosi. Atha kho sā devatā – ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਓਘਤਰਣਸੁਤ੍ਤવਣ੍ਣਨਾ • 1. Oghataraṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਓਘਤਰਣਸੁਤ੍ਤવਣ੍ਣਨਾ • 1. Oghataraṇasuttavaṇṇanā
