| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. ནོཕསྶནཱནཏྟསུཏྟཾ
3. Nophassanānattasuttaṃ
༨༧. སཱཝཏྠིཡཾ ཝིཧརཏི…པེ॰… ‘‘དྷཱཏུནཱནཏྟཾ, བྷིཀྑཝེ, པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ། ཀཏམཉྩ, བྷིཀྑཝེ, དྷཱཏུནཱནཏྟཾ? ཙཀྑུདྷཱཏུ…པེ॰… མནོདྷཱཏུ – ཨིདཾ ཝུཙྩཏི, བྷིཀྑཝེ, དྷཱཏུནཱནཏྟཾ’’།
87. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati phassanānattaṃ, no phassanānattaṃ paṭicca uppajjati dhātunānattaṃ. Katamañca, bhikkhave, dhātunānattaṃ? Cakkhudhātu…pe… manodhātu – idaṃ vuccati, bhikkhave, dhātunānattaṃ’’.
‘‘ཀཐཉྩ , བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟཾ? ཙཀྑུདྷཱཏུཾ, བྷིཀྑཝེ, པཊིཙྩ ཨུཔྤཛྫཏི ཙཀྑུསམྥསྶོ, ནོ ཙཀྑུསམྥསྶཾ པཊིཙྩ ཨུཔྤཛྫཏི ཙཀྑུདྷཱཏུ…པེ॰… མནོདྷཱཏུཾ པཊིཙྩ ཨུཔྤཛྫཏི མནོསམྥསྶོ, ནོ མནོསམྥསྶཾ པཊིཙྩ ཨུཔྤཛྫཏི མནོདྷཱཏུ། ཨེཝཾ ཁོ, བྷིཀྑཝེ, དྷཱཏུནཱནཏྟཾ པཊིཙྩ ཨུཔྤཛྫཏི ཕསྶནཱནཏྟཾ, ནོ ཕསྶནཱནཏྟཾ པཊིཙྩ ཨུཔྤཛྫཏི དྷཱཏུནཱནཏྟ’’ནྟི། ཏཏིཡཾ།
‘‘Kathañca , bhikkhave, dhātunānattaṃ paṭicca uppajjati phassanānattaṃ, no phassanānattaṃ paṭicca uppajjati dhātunānattaṃ? Cakkhudhātuṃ, bhikkhave, paṭicca uppajjati cakkhusamphasso, no cakkhusamphassaṃ paṭicca uppajjati cakkhudhātu…pe… manodhātuṃ paṭicca uppajjati manosamphasso, no manosamphassaṃ paṭicca uppajjati manodhātu. Evaṃ kho, bhikkhave, dhātunānattaṃ paṭicca uppajjati phassanānattaṃ, no phassanānattaṃ paṭicca uppajjati dhātunānatta’’nti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. ནོཕསྶནཱནཏྟསུཏྟཝཎྞནཱ • 3. Nophassanānattasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. ནོཕསྶནཱནཏྟསུཏྟཝཎྞནཱ • 3. Nophassanānattasuttavaṇṇanā
