| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৪. নোচেদংসুত্তৰণ্ণনা
4. Nocedaṃsuttavaṇṇanā
১১৭. চতুত্থে নিস্সটাতিআদীনি আদিতো ৰুত্তপটিসেধেন যোজেত্ৰা ‘‘ন নিস্সটা, ন ৰিসংযুত্তা, ন ৰিপ্পমুত্তা, ন ৰিমরিযাদিকতেন চেতসা ৰিহরিংসূ’’তি এৰং ৰেদিতব্বানি। দুতিযনযে ৰিমরিযাদিকতেনাতি নিম্মরিযাদিকতেন। তত্থ দুৰিধা মরিযাদা কিলেসমরিযাদা ৰট্টমরিযাদাতি। তত্থ চ যস্স উপড্ঢা কিলেসা পহীনা, উপড্ঢা অপ্পহীনা, ৰট্টং ৰা পন উপড্ঢং পহীনং, উপড্ঢং অপ্পহীনং, তস্স চিত্তং পহীনকিলেসে ৰা ৰট্টং ৰা সন্ধায ৰিমরিযাদিকতং, অপ্পহীনকিলেসে ৰা ৰট্টং ৰা সন্ধায ন ৰিমরিযাদিকতং। ইধ পন উভযস্সাপি পহীনত্তা ‘‘ৰিমরিযাদিকতেন চেতসা’’তি ৰুত্তং, মরিযাদং অকত্ৰা ঠিতেন অতিক্কন্তমরিযাদেন চেতসাতি অত্থো। ইতি তীসুপি ইমেসু সুত্তেসু চতুসচ্চমেৰ কথিতং। চতুত্থং।
117. Catutthe nissaṭātiādīni ādito vuttapaṭisedhena yojetvā ‘‘na nissaṭā, na visaṃyuttā, na vippamuttā, na vimariyādikatena cetasā vihariṃsū’’ti evaṃ veditabbāni. Dutiyanaye vimariyādikatenāti nimmariyādikatena. Tattha duvidhā mariyādā kilesamariyādā vaṭṭamariyādāti. Tattha ca yassa upaḍḍhā kilesā pahīnā, upaḍḍhā appahīnā, vaṭṭaṃ vā pana upaḍḍhaṃ pahīnaṃ, upaḍḍhaṃ appahīnaṃ, tassa cittaṃ pahīnakilese vā vaṭṭaṃ vā sandhāya vimariyādikataṃ, appahīnakilese vā vaṭṭaṃ vā sandhāya na vimariyādikataṃ. Idha pana ubhayassāpi pahīnattā ‘‘vimariyādikatena cetasā’’ti vuttaṃ, mariyādaṃ akatvā ṭhitena atikkantamariyādena cetasāti attho. Iti tīsupi imesu suttesu catusaccameva kathitaṃ. Catutthaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. নোচেদংসুত্তং • 4. Nocedaṃsuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৪. নোচেদংসুত্তৰণ্ণনা • 4. Nocedaṃsuttavaṇṇanā
