| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൧൩. തേരസമവഗ്ഗോ
13. Terasamavaggo
(൧൨൯) ൪. നിയതസ്സ നിയാമകഥാ
(129) 4. Niyatassa niyāmakathā
൬൬൩. നിയതോ നിയാമം ഓക്കമതീതി? ആമന്താ. മിച്ഛത്തനിയതോ സമ്മത്തനിയാമം ഓക്കമതി, സമ്മത്തനിയതോ മിച്ഛത്തനിയാമം ഓക്കമതീതി? ന ഹേവം വത്തബ്ബേ…പേ॰….
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
നിയതോ നിയാമം ഓക്കമതീതി? ആമന്താ. പുബ്ബേ മഗ്ഗം ഭാവേത്വാ പച്ഛാ നിയാമം ഓക്കമതീതി? ന ഹേവം വത്തബ്ബേ…പേ॰… പുബ്ബേ സോതാപത്തിമഗ്ഗം ഭാവേത്വാ പച്ഛാ സോതാപത്തിനിയാമം ഓക്കമതീതി? ന ഹേവം വത്തബ്ബേ…പേ॰… പുബ്ബേ സകദാഗാമി…പേ॰… അനാഗാമി…പേ॰… അരഹത്തമഗ്ഗം ഭാവേത്വാ പച്ഛാ അരഹത്തനിയാമം ഓക്കമതീതി? ന ഹേവം വത്തബ്ബേ…പേ॰….
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
പുബ്ബേ സതിപട്ഠാനം…പേ॰… സമ്മപ്പധാനം… ഇദ്ധിപാദം… ഇന്ദ്രിയം… ബലം… ബോജ്ഝങ്ഗം ഭാവേത്വാ പച്ഛാ നിയാമം ഓക്കമതീതി? ന ഹേവം വത്തബ്ബേ…പേ॰….
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
൬൬൪. ന വത്തബ്ബം – ‘‘നിയതോ നിയാമം ഓക്കമതീ’’തി? ആമന്താ. ഭബ്ബോ ബോധിസത്തോ തായ ജാതിയാ ധമ്മം നാഭിസമേതുന്തി? ന ഹേവം വത്തബ്ബേ. തേന ഹി നിയതോ നിയാമം ഓക്കമതീതി.
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
നിയതസ്സ നിയാമകഥാ നിട്ഠിതാ.
Niyatassa niyāmakathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൪. നിയതസ്സ നിയാമകഥാവണ്ണനാ • 4. Niyatassa niyāmakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൪. നിയതസ്സനിയാമകഥാവണ്ണനാ • 4. Niyatassaniyāmakathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൪. നിയതസ്സനിയാമകഥാവണ്ണനാ • 4. Niyatassaniyāmakathāvaṇṇanā
