| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੩. ਤੇਰਸਮવਗ੍ਗੋ
13. Terasamavaggo
(੧੨੯) ੪. ਨਿਯਤਸ੍ਸ ਨਿਯਾਮਕਥਾ
(129) 4. Niyatassa niyāmakathā
੬੬੩. ਨਿਯਤੋ ਨਿਯਾਮਂ ਓਕ੍ਕਮਤੀਤਿ? ਆਮਨ੍ਤਾ। ਮਿਚ੍ਛਤ੍ਤਨਿਯਤੋ ਸਮ੍ਮਤ੍ਤਨਿਯਾਮਂ ਓਕ੍ਕਮਤਿ, ਸਮ੍ਮਤ੍ਤਨਿਯਤੋ ਮਿਚ੍ਛਤ੍ਤਨਿਯਾਮਂ ਓਕ੍ਕਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
ਨਿਯਤੋ ਨਿਯਾਮਂ ਓਕ੍ਕਮਤੀਤਿ? ਆਮਨ੍ਤਾ। ਪੁਬ੍ਬੇ ਮਗ੍ਗਂ ਭਾવੇਤ੍વਾ ਪਚ੍ਛਾ ਨਿਯਾਮਂ ਓਕ੍ਕਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪੁਬ੍ਬੇ ਸੋਤਾਪਤ੍ਤਿਮਗ੍ਗਂ ਭਾવੇਤ੍વਾ ਪਚ੍ਛਾ ਸੋਤਾਪਤ੍ਤਿਨਿਯਾਮਂ ਓਕ੍ਕਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪੁਬ੍ਬੇ ਸਕਦਾਗਾਮਿ…ਪੇ॰… ਅਨਾਗਾਮਿ…ਪੇ॰… ਅਰਹਤ੍ਤਮਗ੍ਗਂ ਭਾવੇਤ੍વਾ ਪਚ੍ਛਾ ਅਰਹਤ੍ਤਨਿਯਾਮਂ ਓਕ੍ਕਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
ਪੁਬ੍ਬੇ ਸਤਿਪਟ੍ਠਾਨਂ…ਪੇ॰… ਸਮ੍ਮਪ੍ਪਧਾਨਂ… ਇਦ੍ਧਿਪਾਦਂ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗਂ ਭਾવੇਤ੍વਾ ਪਚ੍ਛਾ ਨਿਯਾਮਂ ਓਕ੍ਕਮਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
੬੬੪. ਨ વਤ੍ਤਬ੍ਬਂ – ‘‘ਨਿਯਤੋ ਨਿਯਾਮਂ ਓਕ੍ਕਮਤੀ’’ਤਿ? ਆਮਨ੍ਤਾ। ਭਬ੍ਬੋ ਬੋਧਿਸਤ੍ਤੋ ਤਾਯ ਜਾਤਿਯਾ ਧਮ੍ਮਂ ਨਾਭਿਸਮੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ। ਤੇਨ ਹਿ ਨਿਯਤੋ ਨਿਯਾਮਂ ਓਕ੍ਕਮਤੀਤਿ।
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
ਨਿਯਤਸ੍ਸ ਨਿਯਾਮਕਥਾ ਨਿਟ੍ਠਿਤਾ।
Niyatassa niyāmakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਨਿਯਤਸ੍ਸ ਨਿਯਾਮਕਥਾવਣ੍ਣਨਾ • 4. Niyatassa niyāmakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਨਿਯਤਸ੍ਸਨਿਯਾਮਕਥਾવਣ੍ਣਨਾ • 4. Niyatassaniyāmakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਨਿਯਤਸ੍ਸਨਿਯਾਮਕਥਾવਣ੍ਣਨਾ • 4. Niyatassaniyāmakathāvaṇṇanā
