| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༣. ཏེརསམཝགྒོ
13. Terasamavaggo
(༡༢༩) ༤. ནིཡཏསྶ ནིཡཱམཀཐཱ
(129) 4. Niyatassa niyāmakathā
༦༦༣. ནིཡཏོ ནིཡཱམཾ ཨོཀྐམཏཱིཏི? ཨཱམནྟཱ། མིཙྪཏྟནིཡཏོ སམྨཏྟནིཡཱམཾ ཨོཀྐམཏི, སམྨཏྟནིཡཏོ མིཙྪཏྟནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ॰…།
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
ནིཡཏོ ནིཡཱམཾ ཨོཀྐམཏཱིཏི? ཨཱམནྟཱ། པུབྦེ མགྒཾ བྷཱཝེཏྭཱ པཙྪཱ ནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ॰… པུབྦེ སོཏཱཔཏྟིམགྒཾ བྷཱཝེཏྭཱ པཙྪཱ སོཏཱཔཏྟིནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ॰… པུབྦེ སཀདཱགཱམི…པེ॰… ཨནཱགཱམི…པེ॰… ཨརཧཏྟམགྒཾ བྷཱཝེཏྭཱ པཙྪཱ ཨརཧཏྟནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ॰…།
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
པུབྦེ སཏིཔཊྛཱནཾ…པེ॰… སམྨཔྤདྷཱནཾ… ཨིདྡྷིཔཱདཾ… ཨིནྡྲིཡཾ… བལཾ… བོཛ྄ཛྷངྒཾ བྷཱཝེཏྭཱ པཙྪཱ ནིཡཱམཾ ཨོཀྐམཏཱིཏི? ན ཧེཝཾ ཝཏྟབྦེ…པེ॰…།
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
༦༦༤. ན ཝཏྟབྦཾ – ‘‘ནིཡཏོ ནིཡཱམཾ ཨོཀྐམཏཱི’’ཏི? ཨཱམནྟཱ། བྷབྦོ བོདྷིསཏྟོ ཏཱཡ ཛཱཏིཡཱ དྷམྨཾ ནཱབྷིསམེཏུནྟི? ན ཧེཝཾ ཝཏྟབྦེ། ཏེན ཧི ནིཡཏོ ནིཡཱམཾ ཨོཀྐམཏཱིཏི།
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
ནིཡཏསྶ ནིཡཱམཀཐཱ ནིཊྛིཏཱ།
Niyatassa niyāmakathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. ནིཡཏསྶ ནིཡཱམཀཐཱཝཎྞནཱ • 4. Niyatassa niyāmakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༤. ནིཡཏསྶནིཡཱམཀཐཱཝཎྞནཱ • 4. Niyatassaniyāmakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༤. ནིཡཏསྶནིཡཱམཀཐཱཝཎྞནཱ • 4. Niyatassaniyāmakathāvaṇṇanā
