| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૩. તેરસમવગ્ગો
13. Terasamavaggo
(૧૨૯) ૪. નિયતસ્સ નિયામકથા
(129) 4. Niyatassa niyāmakathā
૬૬૩. નિયતો નિયામં ઓક્કમતીતિ? આમન્તા. મિચ્છત્તનિયતો સમ્મત્તનિયામં ઓક્કમતિ, સમ્મત્તનિયતો મિચ્છત્તનિયામં ઓક્કમતીતિ? ન હેવં વત્તબ્બે…પે॰….
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
નિયતો નિયામં ઓક્કમતીતિ? આમન્તા. પુબ્બે મગ્ગં ભાવેત્વા પચ્છા નિયામં ઓક્કમતીતિ? ન હેવં વત્તબ્બે…પે॰… પુબ્બે સોતાપત્તિમગ્ગં ભાવેત્વા પચ્છા સોતાપત્તિનિયામં ઓક્કમતીતિ? ન હેવં વત્તબ્બે…પે॰… પુબ્બે સકદાગામિ…પે॰… અનાગામિ…પે॰… અરહત્તમગ્ગં ભાવેત્વા પચ્છા અરહત્તનિયામં ઓક્કમતીતિ? ન હેવં વત્તબ્બે…પે॰….
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
પુબ્બે સતિપટ્ઠાનં…પે॰… સમ્મપ્પધાનં… ઇદ્ધિપાદં… ઇન્દ્રિયં… બલં… બોજ્ઝઙ્ગં ભાવેત્વા પચ્છા નિયામં ઓક્કમતીતિ? ન હેવં વત્તબ્બે…પે॰….
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
૬૬૪. ન વત્તબ્બં – ‘‘નિયતો નિયામં ઓક્કમતી’’તિ? આમન્તા. ભબ્બો બોધિસત્તો તાય જાતિયા ધમ્મં નાભિસમેતુન્તિ? ન હેવં વત્તબ્બે. તેન હિ નિયતો નિયામં ઓક્કમતીતિ.
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
નિયતસ્સ નિયામકથા નિટ્ઠિતા.
Niyatassa niyāmakathā niṭṭhitā.
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૪. નિયતસ્સ નિયામકથાવણ્ણના • 4. Niyatassa niyāmakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૪. નિયતસ્સનિયામકથાવણ્ણના • 4. Niyatassaniyāmakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૪. નિયતસ્સનિયામકથાવણ્ણના • 4. Niyatassaniyāmakathāvaṇṇanā
