| Library / Tipiṭaka / तिपिटक • Tipiṭaka / कथावत्थुपाळि • Kathāvatthupāḷi |
१३. तेरसमवग्गो
13. Terasamavaggo
(१२९) ४. नियतस्स नियामकथा
(129) 4. Niyatassa niyāmakathā
६६३. नियतो नियामं ओक्कमतीति? आमन्ता। मिच्छत्तनियतो सम्मत्तनियामं ओक्कमति, सम्मत्तनियतो मिच्छत्तनियामं ओक्कमतीति? न हेवं वत्तब्बे…पे॰…।
663. Niyato niyāmaṃ okkamatīti? Āmantā. Micchattaniyato sammattaniyāmaṃ okkamati, sammattaniyato micchattaniyāmaṃ okkamatīti? Na hevaṃ vattabbe…pe….
नियतो नियामं ओक्कमतीति? आमन्ता। पुब्बे मग्गं भावेत्वा पच्छा नियामं ओक्कमतीति? न हेवं वत्तब्बे…पे॰… पुब्बे सोतापत्तिमग्गं भावेत्वा पच्छा सोतापत्तिनियामं ओक्कमतीति? न हेवं वत्तब्बे…पे॰… पुब्बे सकदागामि…पे॰… अनागामि…पे॰… अरहत्तमग्गं भावेत्वा पच्छा अरहत्तनियामं ओक्कमतीति? न हेवं वत्तब्बे…पे॰…।
Niyato niyāmaṃ okkamatīti? Āmantā. Pubbe maggaṃ bhāvetvā pacchā niyāmaṃ okkamatīti? Na hevaṃ vattabbe…pe… pubbe sotāpattimaggaṃ bhāvetvā pacchā sotāpattiniyāmaṃ okkamatīti? Na hevaṃ vattabbe…pe… pubbe sakadāgāmi…pe… anāgāmi…pe… arahattamaggaṃ bhāvetvā pacchā arahattaniyāmaṃ okkamatīti? Na hevaṃ vattabbe…pe….
पुब्बे सतिपट्ठानं…पे॰… सम्मप्पधानं… इद्धिपादं… इन्द्रियं… बलं… बोज्झङ्गं भावेत्वा पच्छा नियामं ओक्कमतीति? न हेवं वत्तब्बे…पे॰…।
Pubbe satipaṭṭhānaṃ…pe… sammappadhānaṃ… iddhipādaṃ… indriyaṃ… balaṃ… bojjhaṅgaṃ bhāvetvā pacchā niyāmaṃ okkamatīti? Na hevaṃ vattabbe…pe….
६६४. न वत्तब्बं – ‘‘नियतो नियामं ओक्कमती’’ति? आमन्ता। भब्बो बोधिसत्तो ताय जातिया धम्मं नाभिसमेतुन्ति? न हेवं वत्तब्बे। तेन हि नियतो नियामं ओक्कमतीति।
664. Na vattabbaṃ – ‘‘niyato niyāmaṃ okkamatī’’ti? Āmantā. Bhabbo bodhisatto tāya jātiyā dhammaṃ nābhisametunti? Na hevaṃ vattabbe. Tena hi niyato niyāmaṃ okkamatīti.
नियतस्स नियामकथा निट्ठिता।
Niyatassa niyāmakathā niṭṭhitā.
Related texts:
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ४. नियतस्स नियामकथावण्णना • 4. Niyatassa niyāmakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-मूलटीका • Pañcapakaraṇa-mūlaṭīkā / ४. नियतस्सनियामकथावण्णना • 4. Niyatassaniyāmakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ४. नियतस्सनियामकथावण्णना • 4. Niyatassaniyāmakathāvaṇṇanā
