| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੬੪. ਨਿਯਸ੍ਸਕਮ੍ਮਪਟਿਪ੍ਪਸ੍ਸਦ੍ਧਿਕਥਾ
264. Niyassakammapaṭippassaddhikathā
੪੪੫. ਇਧ ਪਨ, ਭਿਕ੍ਖવੇ, ਭਿਕ੍ਖੁ ਸਙ੍ਘੇਨ ਨਿਯਸ੍ਸਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ, ਨਿਯਸ੍ਸਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਤਤ੍ਰ ਚੇ ਭਿਕ੍ਖੂਨਂ ਏવਂ ਹੋਤਿ – ‘‘ਅਯਂ ਖੋ, ਆવੁਸੋ, ਭਿਕ੍ਖੁ ਸਙ੍ਘੇਨ ਨਿਯਸ੍ਸਕਮ੍ਮਕਤੋ ਸਮ੍ਮਾ વਤ੍ਤਤਿ, ਲੋਮਂ ਪਾਤੇਤਿ, ਨੇਤ੍ਥਾਰਂ વਤ੍ਤਤਿ , ਨਿਯਸ੍ਸਸ੍ਸ ਕਮ੍ਮਸ੍ਸ ਪਟਿਪ੍ਪਸ੍ਸਦ੍ਧਿਂ ਯਾਚਤਿ। ਹਨ੍ਦਸ੍ਸ ਮਯਂ ਨਿਯਸ੍ਸਕਮ੍ਮਂ ਪਟਿਪ੍ਪਸ੍ਸਮ੍ਭੇਮਾ’’ਤਿ। ਤੇ ਤਸ੍ਸ ਨਿਯਸ੍ਸਕਮ੍ਮਂ ਪਟਿਪ੍ਪਸ੍ਸਮ੍ਭੇਨ੍ਤਿ – ਅਧਮ੍ਮੇਨ વਗ੍ਗਾ…ਪੇ॰… ਅਧਮ੍ਮੇਨ ਸਮਗ੍ਗਾ… ਧਮ੍ਮੇਨ વਗ੍ਗਾ… ਧਮ੍ਮਪਤਿਰੂਪਕੇਨ વਗ੍ਗਾ… ਧਮ੍ਮਪਤਿਰੂਪਕੇਨ ਸਮਗ੍ਗਾ। ਤਤ੍ਰਟ੍ਠੋ ਸਙ੍ਘੋ વਿવਦਤਿ – ‘‘ਅਧਮ੍ਮੇਨ વਗ੍ਗਕਮ੍ਮਂ, ਅਧਮ੍ਮੇਨ ਸਮਗ੍ਗਕਮ੍ਮਂ, ਧਮ੍ਮੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ વਗ੍ਗਕਮ੍ਮਂ, ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮਂ, ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ। ਤਤ੍ਰ, ਭਿਕ੍ਖવੇ , ਯੇ ਤੇ ਭਿਕ੍ਖੂ ਏવਮਾਹਂਸੁ – ‘‘ਧਮ੍ਮਪਤਿਰੂਪਕੇਨ ਸਮਗ੍ਗਕਮ੍ਮ’’ਨ੍ਤਿ, ਯੇ ਚ ਤੇ ਭਿਕ੍ਖੂ ਏવਮਾਹਂਸੁ – ‘‘ਅਕਤਂ ਕਮ੍ਮਂ ਦੁਕ੍ਕਟਂ ਕਮ੍ਮਂ ਪੁਨ ਕਾਤਬ੍ਬਂ ਕਮ੍ਮ’’ਨ੍ਤਿ, ਇਮੇ ਤਤ੍ਥ ਭਿਕ੍ਖੂ ਧਮ੍ਮવਾਦਿਨੋ। ਇਮੇਪਿ 1 ਪਞ੍ਚ વਾਰਾ ਸਂਖਿਤ੍ਤਾ।
445. Idha pana, bhikkhave, bhikkhu saṅghena niyassakammakato sammā vattati, lomaṃ pāteti, netthāraṃ vattati, niyassassa kammassa paṭippassaddhiṃ yācati. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena niyassakammakato sammā vattati, lomaṃ pāteti, netthāraṃ vattati , niyassassa kammassa paṭippassaddhiṃ yācati. Handassa mayaṃ niyassakammaṃ paṭippassambhemā’’ti. Te tassa niyassakammaṃ paṭippassambhenti – adhammena vaggā…pe… adhammena samaggā… dhammena vaggā… dhammapatirūpakena vaggā… dhammapatirūpakena samaggā. Tatraṭṭho saṅgho vivadati – ‘‘adhammena vaggakammaṃ, adhammena samaggakammaṃ, dhammena vaggakammaṃ, dhammapatirūpakena vaggakammaṃ, dhammapatirūpakena samaggakammaṃ, akataṃ kammaṃ dukkaṭaṃ kammaṃ puna kātabbaṃ kamma’’nti. Tatra, bhikkhave , ye te bhikkhū evamāhaṃsu – ‘‘dhammapatirūpakena samaggakamma’’nti, ye ca te bhikkhū evamāhaṃsu – ‘‘akataṃ kammaṃ dukkaṭaṃ kammaṃ puna kātabbaṃ kamma’’nti, ime tattha bhikkhū dhammavādino. Imepi 2 pañca vārā saṃkhittā.
ਨਿਯਸ੍ਸਕਮ੍ਮਪਟਿਪ੍ਪਸ੍ਸਦ੍ਧਿਕਥਾ ਨਿਟ੍ਠਿਤਾ।
Niyassakammapaṭippassaddhikathā niṭṭhitā.
Footnotes:
