| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൮. നിയാമോക്കന്തികഥാവണ്ണനാ
8. Niyāmokkantikathāvaṇṇanā
൪൦൩. പാരമീപൂരണന്തി ഇദം ബോധിചരിയായ ഉപലക്ഖണം, ന പാരമീനം പുണ്ണഭാവദസ്സനം. തേന തേസം ആരമ്ഭസമാദാനാദീനമ്പി സങ്ഗഹോ കതോതി ദട്ഠബ്ബം. മഹാഭിനീഹാരതോ പട്ഠായ ഹി മഹാസത്താ നിയതാതി വുച്ചന്തി. യഥാഹ – ‘‘ഏവം സബ്ബങ്ഗസമ്പന്നാ, ബോധിയാ നിയതാ നരാ’’തി, ‘‘ധുവം ബുദ്ധോ ഭവിസ്സതീ’’തി ച, ന നിയാമസ്സ നാമ കസ്സചി ധമ്മസ്സ ഉപ്പന്നത്താ ബ്യാകരോന്തി, അഥ ഖോ ഏകംസേനായം പാരമിയോ പൂരേത്വാ ബുദ്ധോ ഭവിസ്സതീതി കത്വാ ബ്യാകരോന്തീതി പരവാദീപരികപ്പിതം ധമ്മന്തരം പടിസേധേതി, ന ബോധിയാ നിയതത്തം. തേനാഹ ‘‘കേവലഞ്ഹി ന’’ന്തിആദി.
403. Pāramīpūraṇanti idaṃ bodhicariyāya upalakkhaṇaṃ, na pāramīnaṃ puṇṇabhāvadassanaṃ. Tena tesaṃ ārambhasamādānādīnampi saṅgaho katoti daṭṭhabbaṃ. Mahābhinīhārato paṭṭhāya hi mahāsattā niyatāti vuccanti. Yathāha – ‘‘evaṃ sabbaṅgasampannā, bodhiyā niyatā narā’’ti, ‘‘dhuvaṃ buddho bhavissatī’’ti ca, na niyāmassa nāma kassaci dhammassa uppannattā byākaronti, atha kho ekaṃsenāyaṃ pāramiyo pūretvā buddho bhavissatīti katvā byākarontīti paravādīparikappitaṃ dhammantaraṃ paṭisedheti, na bodhiyā niyatattaṃ. Tenāha ‘‘kevalañhi na’’ntiādi.
നിയാമോക്കന്തികഥാവണ്ണനാ നിട്ഠിതാ.
Niyāmokkantikathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൪൦) ൮. നിയാമോക്കന്തികഥാ • (40) 8. Niyāmokkantikathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൮. നിയാമോക്കന്തികഥാവണ്ണനാ • 8. Niyāmokkantikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൮. നിയാമോക്കന്തികഥാവണ്ണനാ • 8. Niyāmokkantikathāvaṇṇanā
