| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā |
೮. ನಿಯಾಮೋಕ್ಕನ್ತಿಕಥಾವಣ್ಣನಾ
8. Niyāmokkantikathāvaṇṇanā
೪೦೩. ಪಾರಮೀಪೂರಣನ್ತಿ ಇದಂ ಬೋಧಿಚರಿಯಾಯ ಉಪಲಕ್ಖಣಂ, ನ ಪಾರಮೀನಂ ಪುಣ್ಣಭಾವದಸ್ಸನಂ। ತೇನ ತೇಸಂ ಆರಮ್ಭಸಮಾದಾನಾದೀನಮ್ಪಿ ಸಙ್ಗಹೋ ಕತೋತಿ ದಟ್ಠಬ್ಬಂ। ಮಹಾಭಿನೀಹಾರತೋ ಪಟ್ಠಾಯ ಹಿ ಮಹಾಸತ್ತಾ ನಿಯತಾತಿ ವುಚ್ಚನ್ತಿ। ಯಥಾಹ – ‘‘ಏವಂ ಸಬ್ಬಙ್ಗಸಮ್ಪನ್ನಾ, ಬೋಧಿಯಾ ನಿಯತಾ ನರಾ’’ತಿ, ‘‘ಧುವಂ ಬುದ್ಧೋ ಭವಿಸ್ಸತೀ’’ತಿ ಚ, ನ ನಿಯಾಮಸ್ಸ ನಾಮ ಕಸ್ಸಚಿ ಧಮ್ಮಸ್ಸ ಉಪ್ಪನ್ನತ್ತಾ ಬ್ಯಾಕರೋನ್ತಿ, ಅಥ ಖೋ ಏಕಂಸೇನಾಯಂ ಪಾರಮಿಯೋ ಪೂರೇತ್ವಾ ಬುದ್ಧೋ ಭವಿಸ್ಸತೀತಿ ಕತ್ವಾ ಬ್ಯಾಕರೋನ್ತೀತಿ ಪರವಾದೀಪರಿಕಪ್ಪಿತಂ ಧಮ್ಮನ್ತರಂ ಪಟಿಸೇಧೇತಿ, ನ ಬೋಧಿಯಾ ನಿಯತತ್ತಂ। ತೇನಾಹ ‘‘ಕೇವಲಞ್ಹಿ ನ’’ನ್ತಿಆದಿ।
403. Pāramīpūraṇanti idaṃ bodhicariyāya upalakkhaṇaṃ, na pāramīnaṃ puṇṇabhāvadassanaṃ. Tena tesaṃ ārambhasamādānādīnampi saṅgaho katoti daṭṭhabbaṃ. Mahābhinīhārato paṭṭhāya hi mahāsattā niyatāti vuccanti. Yathāha – ‘‘evaṃ sabbaṅgasampannā, bodhiyā niyatā narā’’ti, ‘‘dhuvaṃ buddho bhavissatī’’ti ca, na niyāmassa nāma kassaci dhammassa uppannattā byākaronti, atha kho ekaṃsenāyaṃ pāramiyo pūretvā buddho bhavissatīti katvā byākarontīti paravādīparikappitaṃ dhammantaraṃ paṭisedheti, na bodhiyā niyatattaṃ. Tenāha ‘‘kevalañhi na’’ntiādi.
ನಿಯಾಮೋಕ್ಕನ್ತಿಕಥಾವಣ್ಣನಾ ನಿಟ್ಠಿತಾ।
Niyāmokkantikathāvaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೪೦) ೮. ನಿಯಾಮೋಕ್ಕನ್ತಿಕಥಾ • (40) 8. Niyāmokkantikathā
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೮. ನಿಯಾಮೋಕ್ಕನ್ತಿಕಥಾವಣ್ಣನಾ • 8. Niyāmokkantikathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೮. ನಿಯಾಮೋಕ್ಕನ್ತಿಕಥಾವಣ್ಣನಾ • 8. Niyāmokkantikathāvaṇṇanā
