| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੬. ਛਟ੍ਠવਗ੍ਗੋ
6. Chaṭṭhavaggo
੧. ਨਿਯਾਮਕਥਾવਣ੍ਣਨਾ
1. Niyāmakathāvaṇṇanā
੪੪੫-੪੪੭. ਇਦਾਨਿ ਨਿਯਾਮਕਥਾ ਨਾਮ ਹੋਤਿ। ਤਤ੍ਥ ਨਿਯਾਮੋਤਿ ‘‘ਭਬ੍ਬੋ ਨਿਯਾਮਂ ਓਕ੍ਕਮਿਤੁਂ ਕੁਸਲੇਸੁ ਧਮ੍ਮੇਸੁ ਸਮ੍ਮਤ੍ਤ’’ਨ੍ਤਿ (ਪੁ॰ ਪ॰ ੧੩) વਚਨਤੋ ਅਰਿਯਮਗ੍ਗੋ વੁਚ੍ਚਤਿ। ਯਸ੍ਮਾ ਪਨ ਤਸ੍ਮਿਂ ਉਪ੍ਪਜ੍ਜਿਤ੍વਾ ਨਿਰੁਦ੍ਧੇਪਿ ਪੁਗ੍ਗਲੋ ਅਨਿਯਤੋ ਨਾਮ ਨ ਹੋਤਿ, ਤਸ੍ਮਾ ‘‘ਸੋ ਨਿਯਾਮੋ ਨਿਚ੍ਚਟ੍ਠੇਨ ਅਸਙ੍ਖਤੋ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਤਤੋ ‘‘ਯਦਿ ਸੋ ਅਸਙ੍ਖਤੋ, ਏવਰੂਪੇਨ ਤੇਨ ਭવਿਤਬ੍ਬ’’ਨ੍ਤਿ ਦੀਪੇਨ੍ਤੋ ਨਿਬ੍ਬਾਨਨ੍ਤਿਆਦਿਮਾਹ। ਸਂਸਨ੍ਦਨਪੁਚ੍ਛਾ ਉਤ੍ਤਾਨਤ੍ਥਾਯੇવ।
445-447. Idāni niyāmakathā nāma hoti. Tattha niyāmoti ‘‘bhabbo niyāmaṃ okkamituṃ kusalesu dhammesu sammatta’’nti (pu. pa. 13) vacanato ariyamaggo vuccati. Yasmā pana tasmiṃ uppajjitvā niruddhepi puggalo aniyato nāma na hoti, tasmā ‘‘so niyāmo niccaṭṭhena asaṅkhato’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Tato ‘‘yadi so asaṅkhato, evarūpena tena bhavitabba’’nti dīpento nibbānantiādimāha. Saṃsandanapucchā uttānatthāyeva.
ਅਤ੍ਥਿ ਕੇਚੀਤਿਆਦਿ ਨਿਯਾਮਸ੍ਸ ਸਙ੍ਖਤਭਾવਦੀਪਨਤ੍ਥਂ વੁਤ੍ਤਂ। ਮਗ੍ਗੋ ਅਸਙ੍ਖਤੋਤਿਪਞ੍ਹੇ ਤਸ੍ਸ ਉਪ੍ਪਾਦਨਿਰੋਧਭਾવਤੋ ਪਟਿਕ੍ਖਿਪਤੀਤਿ। ਨਿਯਾਮੋ ਸਙ੍ਖਤੋਤਿਪਞ੍ਹੇ ਨਿਰੁਦ੍ਧੇਪਿ ਮਗ੍ਗੇ ਨਿਯਾਮਸ੍ਸ ਅਤ੍ਥਿਤਂ ਸਨ੍ਧਾਯ ਪਟਿਕ੍ਖਿਪਤਿ। ਸੋਤਾਪਤ੍ਤਿਨਿਯਾਮੋਤਿਆਦਿਪਞ੍ਹੇਸੁਪਿ ਅਨੁਲੋਮਤੋ ਚ ਪਟਿਲੋਮਤੋ ਚ ਇਮਿਨਾવ ਨਯੇਨ ਅਤ੍ਥੋ વੇਦਿਤਬ੍ਬੋ। ਪਞ੍ਚ ਅਸਙ੍ਖਤਾਨੀਤਿ ਪੁਟ੍ਠੋ ਪਞ੍ਚਨ੍ਨਂ ਅਸਙ੍ਖਤਾਨਂ ਆਗਤਟ੍ਠਾਨਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਦੁਤਿਯਂ ਪੁਟ੍ਠੋ ਚਤੁਨ੍ਨਂ ਸਮ੍ਮਤ੍ਤਨਿਯਾਮਾਨਂ ਨਿਯਾਮવਚਨਤੋ ਨਿਬ੍ਬਾਨਸ੍ਸ ਚ ਅਸਙ੍ਖਤਭਾવਤੋ ਪਟਿਜਾਨਾਤਿ। ਮਿਚ੍ਛਤ੍ਤਨਿਯਾਮਪਞ੍ਹੋ ਨਿਯਾਮવਚਨਮਤ੍ਤੇਨ ਅਸਙ੍ਖਤਤਾਯ ਅਯੁਤ੍ਤਭਾવਦੀਪਨਤ੍ਥਂ વੁਤ੍ਤੋਤਿ।
Atthikecītiādi niyāmassa saṅkhatabhāvadīpanatthaṃ vuttaṃ. Maggo asaṅkhatotipañhe tassa uppādanirodhabhāvato paṭikkhipatīti. Niyāmo saṅkhatotipañhe niruddhepi magge niyāmassa atthitaṃ sandhāya paṭikkhipati. Sotāpattiniyāmotiādipañhesupi anulomato ca paṭilomato ca imināva nayena attho veditabbo. Pañca asaṅkhatānīti puṭṭho pañcannaṃ asaṅkhatānaṃ āgataṭṭhānaṃ apassanto paṭikkhipati. Dutiyaṃ puṭṭho catunnaṃ sammattaniyāmānaṃ niyāmavacanato nibbānassa ca asaṅkhatabhāvato paṭijānāti. Micchattaniyāmapañho niyāmavacanamattena asaṅkhatatāya ayuttabhāvadīpanatthaṃ vuttoti.
ਨਿਯਾਮਕਥਾવਣ੍ਣਨਾ।
Niyāmakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੫੩) ੧. ਨਿਯਾਮਕਥਾ • (53) 1. Niyāmakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧. ਨਿਯਾਮਕਥਾવਣ੍ਣਨਾ • 1. Niyāmakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧. ਨਿਯਾਮਕਥਾવਣ੍ਣਨਾ • 1. Niyāmakathāvaṇṇanā
