| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਨੀવਰਣਸੁਤ੍ਤਂ
10. Nīvaraṇasuttaṃ
੨੨੧. ‘‘ਪਞ੍ਚਿਮੇ, ਭਿਕ੍ਖવੇ, ਨੀવਰਣਾ ਅਨ੍ਧਕਰਣਾ ਅਚਕ੍ਖੁਕਰਣਾ ਅਞ੍ਞਾਣਕਰਣਾ ਪਞ੍ਞਾਨਿਰੋਧਿਕਾ વਿਘਾਤਪਕ੍ਖਿਯਾ ਅਨਿਬ੍ਬਾਨਸਂવਤ੍ਤਨਿਕਾ। ਕਤਮੇ ਪਞ੍ਚ? ਕਾਮਚ੍ਛਨ੍ਦਨੀવਰਣਂ, ਭਿਕ੍ਖવੇ, ਅਨ੍ਧਕਰਣਂ ਅਚਕ੍ਖੁਕਰਣਂ ਅਞ੍ਞਾਣਕਰਣਂ ਪਞ੍ਞਾਨਿਰੋਧਿਕਂ વਿਘਾਤਪਕ੍ਖਿਯਂ ਅਨਿਬ੍ਬਾਨਸਂવਤ੍ਤਨਿਕਂ । ਬ੍ਯਾਪਾਦਨੀવਰਣਂ, ਭਿਕ੍ਖવੇ…ਪੇ॰… ਥਿਨਮਿਦ੍ਧਨੀવਰਣਂ, ਭਿਕ੍ਖવੇ… ਉਦ੍ਧਚ੍ਚਕੁਕ੍ਕੁਚ੍ਚਨੀવਰਣਂ, ਭਿਕ੍ਖવੇ… વਿਚਿਕਿਚ੍ਛਾਨੀવਰਣਂ, ਭਿਕ੍ਖવੇ, ਅਨ੍ਧਕਰਣਂ ਅਚਕ੍ਖੁਕਰਣਂ ਅਞ੍ਞਾਣਕਰਣਂ ਪਞ੍ਞਾਨਿਰੋਧਿਕਂ વਿਘਾਤਪਕ੍ਖਿਯਂ ਅਨਿਬ੍ਬਾਨਸਂવਤ੍ਤਨਿਕਂ। ਇਮੇ ਖੋ, ਭਿਕ੍ਖવੇ, ਪਞ੍ਚ ਨੀવਰਣਾ ਅਨ੍ਧਕਰਣਾ ਅਚਕ੍ਖੁਕਰਣਾ ਅਞ੍ਞਾਣਕਰਣਾ ਪਞ੍ਞਾਨਿਰੋਧਿਕਾ વਿਘਾਤਪਕ੍ਖਿਯਾ ਅਨਿਬ੍ਬਾਨਸਂવਤ੍ਤਨਿਕਾ।
221. ‘‘Pañcime, bhikkhave, nīvaraṇā andhakaraṇā acakkhukaraṇā aññāṇakaraṇā paññānirodhikā vighātapakkhiyā anibbānasaṃvattanikā. Katame pañca? Kāmacchandanīvaraṇaṃ, bhikkhave, andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhiyaṃ anibbānasaṃvattanikaṃ . Byāpādanīvaraṇaṃ, bhikkhave…pe… thinamiddhanīvaraṇaṃ, bhikkhave… uddhaccakukkuccanīvaraṇaṃ, bhikkhave… vicikicchānīvaraṇaṃ, bhikkhave, andhakaraṇaṃ acakkhukaraṇaṃ aññāṇakaraṇaṃ paññānirodhikaṃ vighātapakkhiyaṃ anibbānasaṃvattanikaṃ. Ime kho, bhikkhave, pañca nīvaraṇā andhakaraṇā acakkhukaraṇā aññāṇakaraṇā paññānirodhikā vighātapakkhiyā anibbānasaṃvattanikā.
‘‘ਸਤ੍ਤਿਮੇ, ਭਿਕ੍ਖવੇ, ਬੋਜ੍ਝਙ੍ਗਾ ਚਕ੍ਖੁਕਰਣਾ ਞਾਣਕਰਣਾ ਪਞ੍ਞਾਬੁਦ੍ਧਿਯਾ ਅવਿਘਾਤਪਕ੍ਖਿਯਾ ਨਿਬ੍ਬਾਨਸਂવਤ੍ਤਨਿਕਾ। ਕਤਮੇ ਸਤ੍ਤ? ਸਤਿਸਮ੍ਬੋਜ੍ਝਙ੍ਗੋ, ਭਿਕ੍ਖવੇ, ਚਕ੍ਖੁਕਰਣੋ ਞਾਣਕਰਣੋ ਪਞ੍ਞਾਬੁਦ੍ਧਿਯੋ ਅવਿਘਾਤਪਕ੍ਖਿਯੋ ਨਿਬ੍ਬਾਨਸਂવਤ੍ਤਨਿਕੋ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗੋ, ਭਿਕ੍ਖવੇ, ਚਕ੍ਖੁਕਰਣੋ ਞਾਣਕਰਣੋ ਪਞ੍ਞਾਬੁਦ੍ਧਿਯੋ ਅવਿਘਾਤਪਕ੍ਖਿਯੋ ਨਿਬ੍ਬਾਨਸਂવਤ੍ਤਨਿਕੋ। ਇਮੇ ਖੋ, ਭਿਕ੍ਖવੇ , ਸਤ੍ਤ ਬੋਜ੍ਝਙ੍ਗਾ ਚਕ੍ਖੁਕਰਣਾ ਞਾਣਕਰਣਾ ਪਞ੍ਞਾਬੁਦ੍ਧਿਯਾ ਅવਿਘਾਤਪਕ੍ਖਿਯਾ ਨਿਬ੍ਬਾਨਸਂવਤ੍ਤਨਿਕਾ’’ਤਿ। ਦਸਮਂ।
‘‘Sattime, bhikkhave, bojjhaṅgā cakkhukaraṇā ñāṇakaraṇā paññābuddhiyā avighātapakkhiyā nibbānasaṃvattanikā. Katame satta? Satisambojjhaṅgo, bhikkhave, cakkhukaraṇo ñāṇakaraṇo paññābuddhiyo avighātapakkhiyo nibbānasaṃvattaniko…pe… upekkhāsambojjhaṅgo, bhikkhave, cakkhukaraṇo ñāṇakaraṇo paññābuddhiyo avighātapakkhiyo nibbānasaṃvattaniko. Ime kho, bhikkhave , satta bojjhaṅgā cakkhukaraṇā ñāṇakaraṇā paññābuddhiyā avighātapakkhiyā nibbānasaṃvattanikā’’ti. Dasamaṃ.
ਨੀવਰਣવਗ੍ਗੋ ਚਤੁਤ੍ਥੋ।
Nīvaraṇavaggo catuttho.
ਤਸ੍ਸੁਦ੍ਦਾਨਂ –
Tassuddānaṃ –
ਦ੍વੇ ਕੁਸਲਾ ਕਿਲੇਸਾ ਚ, ਦ੍વੇ ਯੋਨਿਸੋ ਚ ਬੁਦ੍ਧਿ ਚ।
Dve kusalā kilesā ca, dve yoniso ca buddhi ca;
ਆવਰਣਾ ਨੀવਰਣਾ ਰੁਕ੍ਖਂ, ਨੀવਰਣਞ੍ਚ ਤੇ ਦਸਾਤਿ॥
Āvaraṇā nīvaraṇā rukkhaṃ, nīvaraṇañca te dasāti.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਨੀવਰਣਸੁਤ੍ਤવਣ੍ਣਨਾ • 10. Nīvaraṇasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਨੀવਰਣਸੁਤ੍ਤવਣ੍ਣਨਾ • 10. Nīvaraṇasuttavaṇṇanā
