| Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi |
၂၂. နိသ္သယပဋိပ္ပသ္သဒ္ဓိကထာ
22. Nissayapaṭippassaddhikathā
၈၃. တေန ခော ပန သမယေန ဘိက္ခူ အာစရိယုပဇ္ဈာယေသု ပက္ကန္တေသုပိ ဝိဗ္ဘန္တေသုပိ ကာလင္ကတေသုပိ ပက္ခသင္ကန္တေသုပိ နိသ္သယပဋိပ္ပသ္သဒ္ဓိယော န ဇာနန္တိ။ ဘဂဝတော ဧတမတ္ထံ အာရောစေသုံ။
83. Tena kho pana samayena bhikkhū ācariyupajjhāyesu pakkantesupi vibbhantesupi kālaṅkatesupi pakkhasaṅkantesupi nissayapaṭippassaddhiyo na jānanti. Bhagavato etamatthaṃ ārocesuṃ.
‘‘ပဉ္စိမာ, ဘိက္ခဝေ, နိသ္သယပဋိပ္ပသ္သဒ္ဓိယော ဥပဇ္ဈာယမ္ဟာ – ဥပဇ္ဈာယော ပက္ကန္တော ဝာ ဟောတိ, ဝိဗ္ဘန္တော ဝာ, ကာလင္ကတော ဝာ, ပက္ခသင္ကန္တော ဝာ, အာဏတ္တိယေဝ ပဉ္စမီ။ ဣမာ ခော, ဘိက္ခဝေ, ပဉ္စ နိသ္သယပဋိပ္ပသ္သဒ္ဓိယော ဥပဇ္ဈာယမ္ဟာ။
‘‘Pañcimā, bhikkhave, nissayapaṭippassaddhiyo upajjhāyamhā – upajjhāyo pakkanto vā hoti, vibbhanto vā, kālaṅkato vā, pakkhasaṅkanto vā, āṇattiyeva pañcamī. Imā kho, bhikkhave, pañca nissayapaṭippassaddhiyo upajjhāyamhā.
‘‘ဆယိမာ, ဘိက္ခဝေ, နိသ္သယပဋိပ္ပသ္သဒ္ဓိယော အာစရိယမ္ဟာ – အာစရိယော ပက္ကန္တော ဝာ ဟောတိ, ဝိဗ္ဘန္တော ဝာ, ကာလင္ကတော ဝာ, ပက္ခသင္ကန္တော ဝာ, အာဏတ္တိယေဝ ပဉ္စမီ, ဥပဇ္ဈာယေန ဝာ သမောဓာနဂတော ဟောတိ။ ဣမာ ခော, ဘိက္ခဝေ, ဆ နိသ္သယပဋိပ္ပသ္သဒ္ဓိယော အာစရိယမ္ဟာ’’။
‘‘Chayimā, bhikkhave, nissayapaṭippassaddhiyo ācariyamhā – ācariyo pakkanto vā hoti, vibbhanto vā, kālaṅkato vā, pakkhasaṅkanto vā, āṇattiyeva pañcamī, upajjhāyena vā samodhānagato hoti. Imā kho, bhikkhave, cha nissayapaṭippassaddhiyo ācariyamhā’’.
နိသ္သပဋိပ္ပသ္သဒ္ဓိကထာ နိဋ္ဌိတာ။
Nissapaṭippassaddhikathā niṭṭhitā.
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / နိသ္သယပဋိပ္ပသ္သဒ္ဓိကထာ • Nissayapaṭippassaddhikathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / နိသ္သယပဋိပ္ပသ္သဒ္ဓိကထာဝဏ္ဏနာ • Nissayapaṭippassaddhikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / နိသ္သယပဋိပ္ပသ္သဒ္ဓိကထာဝဏ္ဏနာ • Nissayapaṭippassaddhikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နိသ္သယပဋိပ္ပသ္သဒ္ဓိကထာဝဏ္ဏနာ • Nissayapaṭippassaddhikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၂. နိသ္သယပဋိပ္ပသ္သဒ္ဓိကထာ • 22. Nissayapaṭippassaddhikathā
