| Library / Tipiṭaka / తిపిటక • Tipiṭaka / కఙ్ఖావితరణీ-పురాణ-టీకా • Kaṅkhāvitaraṇī-purāṇa-ṭīkā |
౭. నిసీదనసిక్ఖాపదవణ్ణనా
7. Nisīdanasikkhāpadavaṇṇanā
కిఞ్చాపి నిసీదనస్స జాతి న దిస్సతి ఏత్థ, తథాపి చీవరక్ఖన్ధకే అనుఞ్ఞాతత్తా, ‘‘నవ చీవరాని అధిట్ఠాతబ్బానీ’’తి ఏత్థ చ పరియాపన్నత్తా చీవరజాతి ఏవస్స జాతీతి వేదితబ్బం. ‘‘లాభే సదసం, అలాభే అదసమ్పి వట్టతీ’’తి ఏకే, తం న యుత్తం ‘‘నిసీదనం నామ సదసం వుచ్చతీ’’తి (పాచి॰ ౫౩౧-౫౩౨) తస్స సణ్ఠాననియమనతో.
Kiñcāpi nisīdanassa jāti na dissati ettha, tathāpi cīvarakkhandhake anuññātattā, ‘‘nava cīvarāni adhiṭṭhātabbānī’’ti ettha ca pariyāpannattā cīvarajāti evassa jātīti veditabbaṃ. ‘‘Lābhe sadasaṃ, alābhe adasampi vaṭṭatī’’ti eke, taṃ na yuttaṃ ‘‘nisīdanaṃ nāma sadasaṃ vuccatī’’ti (pāci. 531-532) tassa saṇṭhānaniyamanato.
నిసీదనసిక్ఖాపదవణ్ణనా నిట్ఠితా.
Nisīdanasikkhāpadavaṇṇanā niṭṭhitā.
రతనవగ్గో నవమో.
Ratanavaggo navamo.
సుద్ధపాచిత్తియవణ్ణనా నిట్ఠితా.
Suddhapācittiyavaṇṇanā niṭṭhitā.
