| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੨. ਨਿਰੋਧਧਮ੍ਮਸੁਤ੍ਤਂ
12. Nirodhadhammasuttaṃ
੧੯੩. ਸਾવਤ੍ਥਿਨਿਦਾਨਂ। ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਰਾਧੋ ਭਗવਨ੍ਤਂ ਏਤਦવੋਚ – ‘‘ਸਾਧੁ ਮੇ, ਭਨ੍ਤੇ, ਭਗવਾ ਸਂਖਿਤ੍ਤੇਨ ਧਮ੍ਮਂ ਦੇਸੇਤੁ, ਯਮਹਂ ਭਗવਤੋ ਧਮ੍ਮਂ ਸੁਤ੍વਾ ਏਕੋ વੂਪਕਟ੍ਠੋ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰੇਯ੍ਯ’’ਨ੍ਤਿ।
193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘ਯੋ ਖੋ, ਰਾਧ, ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ, ਰਾਗੋ ਪਹਾਤਬ੍ਬੋ, ਛਨ੍ਦਰਾਗੋ ਪਹਾਤਬ੍ਬੋ। ਕੋ ਚ, ਰਾਧ, ਨਿਰੋਧਧਮ੍ਮੋ? ਰੂਪਂ ਖੋ, ਰਾਧ, ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ…ਪੇ॰… વੇਦਨਾ ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ…ਪੇ॰… ਸਞ੍ਞਾ ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ…ਪੇ॰… ਸਙ੍ਖਾਰਾ ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ…ਪੇ॰… વਿਞ੍ਞਾਣਂ ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ…ਪੇ॰… ਯੋ ਖੋ, ਰਾਧ, ਨਿਰੋਧਧਮ੍ਮੋ; ਤਤ੍ਰ ਤੇ ਛਨ੍ਦੋ ਪਹਾਤਬ੍ਬੋ, ਰਾਗੋ ਪਹਾਤਬ੍ਬੋ, ਛਨ੍ਦਰਾਗੋ ਪਹਾਤਬ੍ਬੋ’’ਤਿ 1।
‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.
ਆਯਾਚਨવਗ੍ਗੋ ਤਤਿਯੋ।
Āyācanavaggo tatiyo.
ਤਸ੍ਸੁਦ੍ਦਾਨਂ –
Tassuddānaṃ –
ਮਾਰੋ ਚ ਮਾਰਧਮ੍ਮੋ ਚ, ਅਨਿਚ੍ਚੇਨ ਅਪਰੇ ਦੁવੇ।
Māro ca māradhammo ca, aniccena apare duve;
ਦੁਕ੍ਖੇਨ ਚ ਦੁવੇ વੁਤ੍ਤਾ, ਅਨਤ੍ਤੇਨ ਤਥੇવ ਚ।
Dukkhena ca duve vuttā, anattena tatheva ca;
ਖਯવਯਸਮੁਦਯਂ, ਨਿਰੋਧਧਮ੍ਮੇਨ ਦ੍વਾਦਸਾਤਿ॥
Khayavayasamudayaṃ, nirodhadhammena dvādasāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੧੧. ਮਾਰਾਦਿਸੁਤ੍ਤਏਕਾਦਸਕવਣ੍ਣਨਾ • 1-11. Mārādisuttaekādasakavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੧੧. ਮਾਰਾਦਿਸੁਤ੍ਤਏਕਾਦਸਕવਣ੍ਣਨਾ • 1-11. Mārādisuttaekādasakavaṇṇanā
