| Library / Tipiṭaka / තිපිටක • Tipiṭaka / සංයුත්තනිකාය • Saṃyuttanikāya |
12. නිරොධධම්මසුත්තං
12. Nirodhadhammasuttaṃ
205. සාවත්ථිනිදානං. එකමන්තං නිසින්නං ඛො ආයස්මන්තං රාධං භගවා එතදවොච – ‘‘යො ඛො, රාධ, නිරොධධම්මො; තත්ර තෙ ඡන්දො පහාතබ්බො, රාගො පහාතබ්බො, ඡන්දරාගො පහාතබ්බො. කො ච, රාධ, නිරොධධම්මො? රූපං ඛො, රාධ, නිරොධධම්මො; තත්ර තෙ ඡන්දො පහාතබ්බො, රාගො පහාතබ්බො, ඡන්දරාගො පහාතබ්බො. වෙදනා…පෙ.… සඤ්ඤා…පෙ.… සඞ්ඛාරා…පෙ.… විඤ්ඤාණං නිරොධධම්මො; තත්ර තෙ ඡන්දො පහාතබ්බො, රාගො පහාතබ්බො, ඡන්දරාගො පහාතබ්බො. යො ඛො, රාධ, නිරොධධම්මො; තත්ර තෙ ඡන්දො පහාතබ්බො, රාගො පහාතබ්බො, ඡන්දරාගො පහාතබ්බො’’ති.
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
උපනිසින්නවග්ගො චතුත්ථො.
Upanisinnavaggo catuttho.
තස්සුද්දානං –
Tassuddānaṃ –
මාරො ච මාරධම්මො ච, අනිච්චෙන අපරෙ දුවෙ;
Māro ca māradhammo ca, aniccena apare duve;
දුක්ඛෙන ච දුවෙ වුත්තා, අනත්තෙන තථෙව ච;
Dukkhena ca duve vuttā, anattena tatheva ca;
ඛයවයසමුදයං, නිරොධධම්මෙන ද්වාදසාති.
Khayavayasamudayaṃ, nirodhadhammena dvādasāti.
රාධසංයුත්තං සමත්තං.
Rādhasaṃyuttaṃ samattaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / සංයුත්තනිකාය (අට්ඨකථා) • Saṃyuttanikāya (aṭṭhakathā) / 1-11. මාරාදිසුත්තඑකාදසකවණ්ණනා • 1-11. Mārādisuttaekādasakavaṇṇanā
ටීකා • Tīkā / සුත්තපිටක (ටීකා) • Suttapiṭaka (ṭīkā) / සංයුත්තනිකාය (ටීකා) • Saṃyuttanikāya (ṭīkā) / 1-11. මාරාදිසුත්තඑකාදසකවණ්ණනා • 1-11. Mārādisuttaekādasakavaṇṇanā
